360

360
s Zäichen uf em Schild vo den alemannische Brysgavi

D Alemanne und d Röömer

Dr röömisch Zääsar Julian het sit Joore gäge d Germaanen un d Alemanne kämpft und nach em schwääre Kampf anne 357 bi Argentoratum, em hüttige Strossburg, und em Kampf vo 358 mit den Alemannefürschte Suomar und Hortar anne 359 bi Mogontiacum, em hütige Mainz, au mit de Alemannehöiptling Makrian, Hariobaud, Ur, Ursicinus, Vestralp und Vadomar Fride gmacht.
Jetz chunt’s aber glych wider zum ene Agriff vo Alemanne ufs röömische Piet: D Brisgavi chömen i d Provinz Raetia cho plündere. Dr Kaiser Julian gwünnt dä Kampf und cha dr Alemannehöiptling Vadomar foo. Er tuet en uf Hispanie verbanne.
Dr Vithicab wird de Brysgauer ire nöi Höiptling.

Dr Julian wird röömische Gägekaiser.
Dr Bischof Wulfila schrybt – öppen anne 360 – syni gotischi Bible; me seit er bis hüt d Wulfilabible.
Z Konstantinopel wird die erschti Chile Hagia Sophia bout.
Es isch Chrieg zwüsche de Röömer und de Perser.
Dr Liberius isch Bischof vo Rom.
D Hunne chöme i säbere Zyt vo Oschte häär uf Europa.
Z Konstantinopel isch e chrischtlechi Chileversamlig.
Dr Bischof Hilari vo Poitiers, wo vom Kaiser Konstanzius uf Früügie verbannt gsi isch, chunt zrugg uf Gallie. Er schrybt s Buech de Trinitate über d Theology vo dr Drüüfaltikäit. Dr Hilari isch eine vo de bedüütendschte latynischen Autoore vom vierte Joorhundert.

Commons: 360 – Sammlig vo Multimediadateie