Apron
| Apron | ||||||||||
|---|---|---|---|---|---|---|---|---|---|---|
Apron (Zingel asper) in der Loue | ||||||||||
| Systematik | ||||||||||
| ||||||||||
| Wüsseschaftlige Name | ||||||||||
| Zingel asper | ||||||||||
| (Linnaeus, 1758) |
De Apron oder Roi du Doubs (frz. »Doubs-König«), uf tütsch au Rhônestreber (Zingel asper; alemanischi Näme) isch e Süesswasserfisch, wo ganz empfindli uf Wasserverschmutzig reagiert. Er isch starch bidroot und chorz vor em uussterbe.
Uussie
De Apron isch e dünne länglich Fisch, wo 15 bis 20 cm lang werd. Er het e bruu-schwarz gfleckte Körper, de Rugge isch dunkler. De Buuch und di groosse Flosse sind wiissslich.
Verbraitig
De Apron isch en endemische Fisch vom Rotte underhalb vo Gempf und au i de Nebeflüss. Hütt lebt er nume no i vier Flüss. Im Doubs im Kantoo Jura und z Frankriich i de Drôme (Dép. Drôme) und i de Durance und Beaune i de südfranzösische Alpe. S werd agnoo as zur Zitt im Ganze nöd mee as 500 Exemplar lebet, dodevo rund 50 i de Schwiz.
Lebeswiis
De Apron mag suberi klari Flüss mit ere määssige Ströömig und eme stainige Grund. Je noch Population lebt er endweder im Flachwasser, mengisch aber au a Stele under 120 cm. De Apron isch e nachtaktive Bodefisch, wo de Grund noch Würmer und Schnegge absuecht.
D Laichzitt goot vom Februar bis in April. S Wiibli lait 5000 bis 6000 Aier, wo am Chiis chlebe bliibet. Noch öppe 14 Taag schlüüffet d Larfe binere Wassertemperatur vo 13 Grad. Di erste zwee Mönet lebet d Fischli vo Plankton. De Apron werd im zwaite oder dritte Joor gschlechtsriif und werd nu grad 4 Joor alt.
Literatur
- Werner Ladiges, Dieter Vogt: Die Süßwasserfische Europas. Verlag Paul Parey, Hamburg und Berlin, 1965
- Chevalier, C., de Conto, C., J.M. Exbrayat (2011): Reproductive biology of the endangered percid Zingel asper in captivity: a histological description of the male reproductive cycle. Folia Histochem Cytobiol., 49(3): 486-96.
- Fritz Terofal: Steinbachs Naturführer, Süßwasserfische. Ulmer, Stuttgart 2003, ISBN 3-80014-296-1
Weblink
Commons: Rhone-Streber – Sammlig vo Multimediadateie- Apron uf Fishbase.org (englisch)
- Zingel asper in dr Rote Lischt vu dr gfehrdete Arten vu dr IUCN 2008. Yygstellt vu: Crivelli, A.J., 2006. Abgruefe am 18. Mai 2009
- "König des Doubs in Gefahr", Pressemitteilig vo admin.ch
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
