Auguste Mathieu

Dr Auguste Mathieu [oɡyst matjø](info) (* 24. Nowamber 1814 z’ Avize, Département Marne; † 4. Janner 1878 z’ Pàriis) ìsch a frànzeescher Politiker gsìì. Ar ìsch Àbg’oordnet’r üss’m Département Corrèze gsìì ìm Zwaita Kaiserraich.

Dr Auguste Mathieu ìsch dr ìn’ra àrma Wìnzerfàmìlia uff d’ Walt kumma. Sii Onkel, wo Priaschter gsìì ìsch, hàt em ämpfoohla, uff Épernay geh ge schtüdiara — un dàs hàt dr Mathieu g’màcht. Ar hàt schpeeter Raacht z’ Pàriis g’schtüdiart un hàt naawadràà àls Schriiwer g’schàfft, fìr siina Schtüüdia bezààhla. Ar ìsch d’rnooh ànna 1837 Rachtsànwàlt worra, unter dr Fiahrung vum Ànwàltskàmmerpresidant Delangle. Ar ìsch àls Àntwàlt ìn politischa Àffara ufftratta, womm’r hüüfig d’ruff ìn da Zittunga g’rädd hàt.

Dr Mathieu ìsch z’äärscht biim Pàrlàmantswààhl ìm Àwrìl 1848 Kàndidààt vum repüblikàànischa Lààger ìm Département Seine-et-Marne gsìì, àwwer ar ìsch nìt g’wählt worra. Ànna 1849 ìsch’r Gen’rààlroot üss’m Kàntoon Avize worra.

Ànna 1863 ìsch’r ìm Département Corrèze àls Àbg’oordnet’r ìn dr Legislàtiivkorps g’wählt worra — bii dr Wààhl hàt’r äbba 75 Prozant vu da Schtìmma bikumma. Ar ìsch Mìtglììd gsìì vu dr Regiarungsmeehrait, wo s’ Zwaita Kaiserraich unterschtìtzt hàt. Ànna 1867 ìsch’r B’rìchtärschtàtter vum näija Prassag’sätz gsìì. Ar hàt züadam a G’sätzàbandrung vorg’schlààga, fìr àss jeeder Zittungsàrtìkel vor dr Veräffentligung ìn da Beheerda vorg’schtällt wìrd, fìr àss d’ Regiarung a Àntwort därft schriiwa — dia Màssnààhma ìsch àwwer nìt züag’schtìmmt worra.

Dr Mathieu ìsch ànna 1866 àls Offiziar vu dr Eehralegioon üsszaichnet worra. Ar hàt àui s’ Groosskriiz vu dr Isàbella dr Kàthoolika bikumma.

Dr Auguste Mathieu ìsch ànna 1878 z’ Pàriis g’schtoorwa un ìsch ìm bekànnta Frììdhoof Père-Lachaise beardigt worra.

• Auguste Mathieu. In: Adolphe Robert, Gaston Cougny (Hrsg.): Dictionnaire des parlementaires français. Edgar Bourloton, 1889 (französisch). 

• dr Auguste Mathieu ìn dr Base Sycomore vu dr Nàzionààlversàmmlung (frànzeesch)
• dr Auguste Mathieu ìn dr Base Léonore vu dr Nàzionààlversàmmlung (frànzeesch)
• dr Auguste Mathieu bii dr Websitta vum Verain Amis et Passionnés du Père-Lachaise (frànzeesch)