Billie Holiday
| Billie Holiday | |
|---|---|
 D Billie Holiday, 1947
| |
| Date | |
| Geburtsname | Elinore Harris |
| Uf d Wält cho | 7.4.1915 |
| Härkumft | Philadelphia |
| Gstorbe | 17.7.1959 z Nöi York |
| Genre | Jazz |
| Beschäftigung | Sängere, Musikere |
| Instrument | Vocals |
| Aktiv | 1929-1959 |
D Billie Holiday (* 7. April 1915 z Philadelphia; † 17. Juli 1959 z Nöi York; gebore as Elinore Harris) zelt mit dr Ella Fitzgerald und dr Sarah Vaughan zu de bedütendste Dschäässängere.
Lääbe und Karriere
1929 het si aagfange under em Naame Billie Holiday in Klub afo singe. 1933 het si mit em Benny Goodman Ufnaame gmacht. Vo 1935 aa het d Holiday mit em Teddy Wilson e Hufe Songs ufgnoo, wo dennzumol populär gsi si und sä zu Dschäässtandards gmacht. Au dr Lester Young het vilmol mit ere musiziert und die bäide si gueti Fründ worde. 1937 het si bim Count Basie gsunge, si häi sich aber scho im Joor druf verstritte. Si isch zum Artie Shaw gange und isch äini vo de erste schwarze Dschäässängere gsi, wo mit wisse Musiker ufdräte isch. 1939 het si zum erste Mol dr Song Strange Fruit gsunge, wo s Thema von em d Lynchjustiz an Schwarze gsi isch. Vo 1944 aa isch si immer wider emol vo Striicher begläitet worde.[1] 1947 isch si wägen em Bsitz vo Droge in s Gfängnis choo. Wider dusse isch si bald druf mit groossem Erfolg in dr Carnegie-Hall ufdräte. Vo denn aa het si immer wider Broblem mit Drooge ghaa. 1956 isch iiri Autobiografii Lady Sings the Blues erschiine.
Am 31. Mai 1959 isch si ins Metropolitan Hospital iigliiferet worde und isch dört gstorbe, wääred Boliziste am Chrankebett gstande si, zum sä wäge Droogebsitz z verhafte.
Komposizioone
- 1936: Billie’s Blues alias: I Love My Man
- 1939: Our Love Is Different
- 1939: Long Gone Blues
- 1939: Fine and Mellow
- 1939: Everything Happens for the Best (mit em Tab Smith)
- 1940: Tell Me More and More and Then Some
- 1941: God Bless the Child (mit em Arthur Herzog, Jr.)
- 1944: Don’t Explain (mit em Arthur Herzog, Jr.)
- 1949: Somebody’s on My Mind
- 1949: Now or Never (mit em Curtis R. Lewis)
- 1950: You Gotta Show Me
- 1954: Stormy Blues
- 1956: Lady Sings the Blues (mit dr Alberta Nichols)
- 1956: My Man
Litratuur
- Donald Clarke: Billie Holiday – Wishing on the Moon. Eine Biographie. Piper Verlag, München 1995, ISBN 3-492-03756-9.
- Billie Holiday, William Dufty: Lady sings the Blues. Autobiographie. Edition Nautilus, Hamburg 1999, ISBN 3-89401-110-6.
- Julia Blackburn: Billie Holiday Berlin Verlag, Berlin 2006, ISBN 3-8270-0663-5.
- Robert O’Meally: Billie Holiday – Lady Day. Hannibal Verlag, 1995, ISBN 3-85445-111-3.
- Studs Terkel: Giganten des Jazz. Zweitausendeins, Frankfurt 2005, ISBN 3-86150-723-4.
- John Chilton: Billie’s Blues. Da Capo Press, 1989, ISBN 0-306-80363-1.
- Stuart Nicholson: Billie Holiday. Weidenfeld & Nicolson, 1995, ISBN 0-575-05631-2.
Weblingg
Commons: Billie Holiday – Sammlig vo Multimediadateie- Billie Holiday in de Internet Movie Database (änglisch)
- Billie Holiday. In: FemBio. Frauen-Biographieforschung (mit Literaturaagaben un Zitat).
- billieholiday.com (änglisch)
Fuessnoote
- ↑ Lover Man (Oh, Where Can You Be?) (1942). In: jazzstandards.com
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
