Flaz
| Flaz | ||
 De Flaz bi Punt Muragl | ||
| Date | ||
|---|---|---|
| Gwässerkennzaal | CH: 46 | |
| Laag | Engadin, Graubünde, Schwiiz | |
| Flusssystem | Donau | |
| Abfluss über | Inn → Donau → Schwarzes Meer | |
| Quelle | Mündig vom Rosegbach in Berninabach 46° 29′ 33″ N, 9° 54′ 1″ O | |
| Mündig | bi Samaade in InnKoordinate: 46° 32′ 36″ N, 9° 53′ 31″ O; CH1903: 788158 / 157613 46° 32′ 36″ N, 9° 53′ 31″ O | |
| Lengi | 6,5 km | |
| Iizugsgebiet | 194 km²
| |
| Abfluss | MQ |
7,85 m³/s |
| Rächti Nääbeflüss | Ova da Fain | |
| Linggi Nääbeflüss | Morteratschbach | |
| Gmeinde | Pontresina, Celerina/Schlarigna, Samaade | |
De Flaz (rätoromanisch oder au rätoromanisch = Flazbach) isch en Fluss im Oberengadin und en Näbefluss vom Inn.
Der Afang het er im Zäntrum vo dr Gmaind Pontresina, a dere Stell, wo der Berninabach und der Rosegbach zämeflüsset. Das isch im Taal unde zwüschet em Dorf Pontresina und em Baanhof vo de Räätische Baan. De Berninabach chunt durs Berninataal vom Berninapass oben abe und dur di ängi Schlucht bi Pontresina dure in Taalbode. Über d Schlucht goot d Punt Ota. Dr Rosegbach het syn Louf vom Roseggletscher under em Piz Roseg dur s Rosegtaal uf Pontresina abe und chunt noch em letschte Taalabschnidd Clavadels zum Berninabach.
Vom Zämefluss vo de beide Oberlöif a heisst de Bach Flaz. Die Stell liit uf 1755 Meter über Meer. Öpe hundert Meter spöter chunt vo linggs d Gmaindgränze zwüsche Pontresina und Celerina an Flaz und louft vo do aa zwöiehalb Kilometer im Fluss. Dä louft unden am Wiiler Muragls verby, het drü Brugge vo de Kantonsstroosse und zwöi vo de Räätische Baan und chunt denn noch der Taalstazioon vo de Muottas Muragl-Baan und bi Acla usem Taal vo Pontresina uf d Ebeni vo Samaade use. Uf dr Oschtsyte vom Flugplatz vo Samaade verby goot er em Bärgfuess vom Muottas Muragl noo bis Gianda Naira (rätoromanisch gianda heisst uf dütsch Gröllhalde) und mündet grad vor em Champagnabach in Inn; d Ymündig liit uf de Höchi vo 1695 Meter.
S alte Flussbett vom Flaz isch vor dr Flusskorrekzioon, wo dr Kanton Graubünde ane 2004 wäg de Hoochwassergfoor gmacht het, vo Acla aa mee gäge Nordweschte ggange und het de Inn scho oben a Samaade erreicht. Dere Linie noo goot no jetz die alti Gmaindgränze vo Celerina und Samaade.
Bi der Ymündig het de Flaz mee Wasser als de Inn, und das bedütet, ass er räin hüdrologisch gsee eigentlich als Hauptfluss vom Inn-Sisteem cha gälte – und denn, wil de Inn bi Passau mee Wasser abebringt als d Donau, won er in se ymündet, wèèr de Flaz im Ganze gsee sogar der Afang vom hüdrologische Flusssischteem vo de Donau.
Weblink
Commons: Flaz – Sammlig vo Multimediadateie- Corinna Capaul: Flazumleitung uf zisler.net
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
