Forchbahn

Zürich Rehalp–Esslingen
Fahrblanfäld:	731
Streckelengi:	13,06 km
Spurwyti:	1000 mm (Meterspur)
Stromsystem:	1200 =
Maximali Neigig:	69 ‰
Legende Tram Züri 0.00 Züri Rehalp 520 m ü. M. 1.08 Waldburg 585 m ü. M. 1.48 Spital Zollikerberg 600 m ü. M. 1.99 Zollikerberg 605 m ü. M. 3.45 Waltike 640 m ü. M. Zumiker Tunnel (1758 m) 4.25 Zumike 650 m ü. M. 5.02 Maiacher (Zumike) 665 m ü. M. 5.59 Neui Forch (Küsnacht) 675 m ü. M. 6.40 Forch 675 m ü. M. Forchtunnel (282 m) 7.41 Scheure (Muur) 655 m ü. M. 9.00 Neuhuus bi Hinteregg 605 m ü. M. 10.09 Hinteregg 560 m ü. M. 10.75 Egg 545 m ü. M. 11.48 Langwiis 525 m ü. M. 12.20 Emmat 515 m ü. M. 13.06 Esslinge 485 m ü. M.

D Forchbahn isch e meterspurigi Schmalspurbahn, wo zwüsched Züri und Esslinge im Züripiet verchehrt und de Forchbahn AG, abgkürzt FB, ghört. De Name stammt vo de Ortschaft Forch und em gliichnamige Pass (676 m ü. M.) zwüsched em Zürisee und em Griiffesee, wo d Bahn uf öppe halber Strecki überwindt. Wän me d FB meint, redt mer i de Gäged vo de Frida, de Tante Frida oder grad öppe vo de Frida Bünzli, so känt si jede.^[1][2]

D Forchbahn isch am 27. November 1912 s erscht Mal gfahre und hät e Autobuslinie abglöst, wo s sit 1905 ggää hät, was für die damaligi Ziit ener ungwöhnlich gsi isch. Sit ihrer Eröffnig isch d Forchbahn dur die gmeinsami Direktion und Betribsfüehrig äng mit de hütige Vercheersbetriib Züri (VBZ) verbunde.

D Streckelengi isch öppe 16 Kilometer, devo ghöred 13.06 Kilometer (Rehalp–Esslinge) de Forchbahn. Es hät zwei Tunnel mit ere Lengi vo 280 und 1750 Meter. D Strecki zwüsched de Rehalp und de Neue Forch isch doppelspurig usbout und für de Gleiswechselbetrib usgleit, de Fahrbetrib isch elektrisch mit 1200 Volt Gliichstrom. Uf de Stadtzürcher Strecki zwüsched de Rehalp und em Baanhof Züri Stadelhofe faart d Frida uf circa drüü Kilometer Lengi uf de Gleis vom Züritram. D Strecki ghört de VBZ und isch wie alli Zürcher Tramstreckene doppelspurig usbout und mit 600 Volt Gliichstrom elektrifiziert, es wird grundsätzlich im Eirichtigsbetriib gfahre.

• BDe 4/4 10 (1948) Partytram, wird sit 2017 renoviert^[3][4]
• BDe 4/4 11–14 (1959), 15–16 (1966) I de Jaar 2004/5 uf Madagaskar spediert, mit de beschte Absichte, z Antananarivo zum Dieseltram z wèrde^[5]
• Bt 101 (1959) de schwäri Stahlstüürwage isch 2004 uf Antananarivo verschifft worde^[5]
• Bt 102–108 (1967/1968) ussert em abbrochne Bt 107 stönts au sit 2004/5 z Antananarivo ume^[5][6]
• Be 8/8 21/22–31/32 (1976–1986) uf em Tach händs pro Wage zwei Elektrohöcker, drum au Doppelkameel gschumpfe
• Bt 201–204 (1981/1982)
• Be 4/4 51–58 (1994)
• Be 4/6 61–73 (2004/2005), Stadler Tango-Wäge

 Commons: Forchbahn – Sammlig vo Multimediadateie

• Forchbahn
• Verein zur Förderig vo historische Forchbahnfahrzüüg
• Abschiedstag von den alten Forchbahnzügen uf wittigbahn.ch (zahlriichi Bilder)

1. ↑ Peter Haslebacher: Frieda. In: derpendler.ch. 28. Mai 2019, abgruefen am 12. April 2021. 
2. ↑ Christine Weder: Etikettenschwindel. In: Neue Zürcher Zeitung. 29. November 2012, abgruefen am 12. April 2021. 
3. ↑ Extrafahrten. Abgruefen am 12. April 2021 (Schwiizer Hochtüütsch). 
4. ↑ Revision BDe 4/4 Nr. 10. In: Verein zur Förderung historischer Forchbahnfahrzeuge. Abgruefen am 12. April 2021 (Schwiizer Hochtüütsch). 
5. ↑ ^{5,0 5,1 5,2} The Railways of Madagascar, 2012. Abgruefen am 12. April 2021. 
6. ↑ Die Forchbahn bald im Regenwald. In: Forchbahn - Neuigkeiten. Forchbahn, 23. März 2021, abgruefen am 12. April 2021. 

Dä Artikel basiert uff ere fräie Übersetzig vu dere Version vum Artikel „Forchbahn“ vu de dütsche Wikipedia. E Liste vu de Autore un Versione isch do z finde.