|
Gregor III. (Papst).jpg) .jpg) Dr Gregor III. (* Syrie; † 28. Novämber 741 z Rom) isch Papscht vu 731 bis 741 gsii. Är isch dr letscht nit-europäisch Papscht gsii, bis anne 2013 dr Argentinier Jorge Mario Bergoglio as Franziskus zum 266. Papscht gwehlt woren isch. LäbeDr Gregor III. isch am 18. Merz 731 zum Papscht gwehlt wore. Wie scho unter sym Vorgänger Gregor II. isch s au unter ihm zue schwären Ussenandersetzige mit Byzanz chuu. Nodäm är dr Chaiser Leo III. im Verlauf vum Byzantinische Bilderstryt exkommuniziert gha het, sin d Bischtimer vu Sizilie, Unteritalien un Illyrie vum Chaiser em ökumenische Patriarchat vu Konstantinopel yyglideret wore. Dr Gregor het derno dr Kontakt mit Byzanz abbroche. Glychzytig sin d Langobarde z Italie wyter vordrunge. Dr Gregor III. het derno as erschte Papscht s Frankerych um Hilf bätte, aber no ohni Erfolg. Ainewäg isch in dr Zyt vum Gregor d Bidnig vu dr Germane an di Katholisch Chilche sterker wore – dr Bonifatius isch anne 732 Erzbischof un 738 päpschtlige Legat fir Germanie wore. Im Johr 732 het dr Gregor III. verbotte, s Flaisch vu Ross z ässe. Unter em Gregor III. isch s Fescht vu allne Hailige fir Rom uf dr 1. Novämber verlait wore. Dr Gregor III. isch am 28. Novämber 741 gstorbe. Sy katholische Gedänkdag isch dr 28. Novämber. Literatur
Weblink Commons: Gregor III. – Sammlig vo Multimediadateie
|
