Inflation
Under Inflation verschtoht me e Priis-Tüürig in ere Volkswirtschaft über ne lengeri Ziitduur.
Si isch i de meischte Fäll verursacht dur nes Übergwicht vo der Nachfrag übers Angebot uf de Güeter- und Dienschtleischtigs-Märkt, wo ne zu expansivi Uusdehnig vo der Gäldmängi dur d Notebank zgrund liit. I öppis sältenere Fäll cha si au dür ne Beschlüünigung vo der Umlaufgschwindigkeit vom Gäld zschtand choo, wenn d Wirtschaftssubjekt (Privathuushalt, Unternähme) im ganze je Ziiteinheit weniger spare, d. h. meh Gäld abhebe für ihre Konsum; au das cha zum ene Übergwicht vo dr Nachfrag übers Aagebot füehre, sobald d Kapazitäte vo de Unternähme insgesamt uusglaschtet sii.
Sekundärfolg vo dene obige Vorgäng isch de die sog. Lohn-Priis-Spirale: D Privathuushalte verlange (meischtens über d Gwärkschafte) höcheri Löhn vo de Unternähme, und die wiederum überwälze de die höchere Lohnchöschte uf d Priise, um ihri Gwinne nid z schmälere; dodermit müesse d Huushält erneut meh zahle für ihre Konsum, usw., usf. Es wird de sogar reativ schwierig, dä 'Tüüfelskreis' vo stiigende Priise z durbräche, meischtens passierts de sogar dür ne Rezession.
En extremi "Hyper-Inflation" hetts gschichtlich vor allem au in Dütschland nach em Erschte Wältchrieg gäh, wo d Richsbank die gäldpolitische Zügel vollständig hett lo fahre, um s Land us sire töife (Wirtschafts-)Krise uuse z hole. Fascht skurril hett agmuetet, wenn d Lüüt ihres einzelne Brot mit eme Chorb voll 1000er-Note hend müesse go chaufe... Hütt wiederum (2012) hett me im Kontext vo dr Schuldekrise gwüssi Befürchtige, dass die relativ expansivi Gäldpolitik vo de Notebanke wältwiit, um d Wirtschaft aazkurble, längerfrischtig, also wenn wieder meh konsumiert wird, zu Inflation chönnt füehre. Me nennt das e zrückgschtauti oder Kassehaltigs-Inflation.
Literatur
- Paul A. Samuelson: Volkswirtschaftlehre, 2 Bänd
- Jörn Altmann: Arbeitsbuch Volkswirtschaftslehre/Wirtschaftspolitik
Weblink
Commons: Inflation – Sammlig vo MultimediadateieContent Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
