Katy Perry

D Katheryn Elizabeth Hudson (* 25. Oktober 1984 z Santa Barbara), bekannt unter em Künstlername Katy Perry, isch e US-amerikanischi Popsängeri, Unternehmerin un Fernsehpersönlichkeit. Si isch vor allem für ihri Bedeitung i dr moderne Popmusik bekannt un isch vo dr Zitschrift Vogue as „Chönigin vom Camp“ bezeichnet wore.^[1]

Karriere

Dr Durchbruch het si mit em Album One of the Boys (2008) gschafft, eme Pop-Rock-Album mit em Debüt-Single „I Kissed a Girl“ un em druffolgende Single „Hot n Cold“, wu respektiv Platz 1 un Platz 3 i dr US-amerikanische Billboard Hot 100 erreicht händ.

S Popalbum Teenage Dream (2010), wu stark vo Disco-Musig beeinflusst isch, het fünf Singles hervorgebracht, wu alli d Nummer eis i de USA erreicht händ: „California Gurls“, „Teenage Dream“, „Firework“, „E.T.“ un „Last Friday Night (T.G.I.F.)“. Damit isch es s einzig Album vo ere weibliche Künstlerin, wu das erreichet het.

E Neuuflag vum Album mit em Titel Teenage Dream: The Complete Confection (2012) het spöter dr Single „Part of Me“ hervorbrocht, wu au d Spitze vo dr US-Charts erreicht het.

D Katy Perry ghört zu de meischtverchaufte Musikkünstler aller Zite un het weltwyt meh as 143 Millione Tonträger verchauft.^[2]^[3] Si het nün Singles, wu d Nummer eis i de USA erreicht händ, drü Nummer-eis-Albe sowii vil Uszeichnige, drunter e Billboard Spotlight Award (si isch bis hüt d einzig weiblichi Künstlerin, wu dä iberchuu het), vier Guinness-Wältrekord, fünf Billboard Music Awards, fünf American Music Awards, e Brit Award un e Juno Award.

Zwüsche 2011 un 2019 isch Perry regelmässig i de jährliche Forbes-Lischte vo de bestverdienende Fraue i dr Musig gfiert worde.^[4]^[5]