Les Charmontois

Les Charmontois
Region	Grand Est
Département	Marne
Arrondissement	Châlons-en-Champagne
Kanton	Argonne Suippe et Vesle
Kommünàlverbànd	Argonne Champenoise
Koordinàte	48° 58′ N, 5° 0′ O48.96754.9997222222222Koordinate: 48° 58′ N, 5° 0′ O
Heche	148–181 m
Flech	14,65 km2
Iiwohner	116 (1. Jänner 2020)
Bevelkerungsdicht	8 Iiw./km2
Code Postal	51330
INSEE-Code	51132

Les Charmontois [le ʃaʁmɔ̃twa](info) ìsch a frànzeescha G’mainda mìt 116 Iiwoohner (Schtànd: 1. Januar 2020) ìm Département Marne ìn dr Regioon Grand Est (bis 2015 ìn dr Regioon Champagne-Ardenne). Sa g’heert zem Arrondissement Châlons-en-Champagne (bis 2017 zem Arrondissement Sainte-Menehould), zem Kàntoon Argonne Suippe et Vesle un zem G’maindaverbànd Argonne Champenoise, wo ànna 2014 grìnda worra-n-ìsch.

Ìm Làuif vu dr G’schìcht hàt sìch dr Nàmma vum Wiiler Charmontois-le-Roi [ʃaʁmɔ̃twa lə ʁwa](info) asoo uff Làtiinisch un Àltfrànzeesch, schpeeter uff Frànzeesch:^[1]

Waahrend dr Frànzeescha Revolüzioon hàt daa Wiiler dr Nàmma Charmontois-sur-Aisne [ʃaʁmɔ̃twa syʁ‿(ɛ:)n](info) trajt.^[2] Dr Ortsnàmma ìsch a Zammasätzung vu da Nàmma Charmontois un le roi (‚dr Keenig‘).^[3]

Un ìm Làuif vu dr G’schìcht hàt sìch dr Nàmma vum Wiiler Charmontois-l’Abbé [ʃaʁmɔ̃twa labe](info) asoo äntwìckelt:^[4]

• Ecclesia Beate Marie de Charmontois (1294)
• Chermontois-l'Abbé (1518)
• Charmontoys-l'Abbé (1542)
• Chermontoys-l'Abbé (1588)
• Curiale beneficium Beate Marie de Caromonte, vulgo Charmontois (1775)

Wahrend dr Frànzeescha Revolüzioon hàt daa Wiiler zittawiis dr Nàmma Charmontel [ʃaʁmɔ̃tɛl](info) un Orme-sur-Aisne [ɔʁm syʁ‿(ɛ:)n](info) trajt.^[5]

Dr Nàmma -l’abbé (‚Àbt‘, ‚Pàter‘) kummt vum hl. Chraudingus, wo ìm 7. Joohrhundert a Kloschter z’ Beaulieu-en-Argonne grìnda hàt.^[6]

s’ Gmaindagebiat vu Bussy-Lettrée

Les Charmontois lììgt àn dr owwera Aisne,^[7] wo d’ baida Wiiler Charmontois-l’Abbé (ìm Oschta) un Charmontois-le-Roi (ìm Wäschta) trännt. ’S ìsch gànz ìm Oschta vum Département Marne àn dr Granz zem Département Maas.^[8] D’ G’mainda g’heert somìt züa dr Làndschàft Àrgonna.^[8] Änfarnt lììgt sa 50 Kilomeeter eeschtlig vu Châlons-en-Champagne un äbba 80 Kilomeeter oscht-süüdeeschtlig vu Reims. Umgaa wìrd Les Charmontois vu da Noochberg’mainda Le Vieil-Dampierre ìm Norda un Nordwäschta, Éclaires ìm Norda, Seuil-d’Argonne ìm Norda un Oschta, Lisle-en-Barrois ìm Süüdoschta, Belval-en-Argonne ìm Süüda, Le Châtelier ìm Süüdwäschta so wia La Neuville-aux-Bois ìm Wäschta.^[7]

Ìm Wäschta vum G’maindagebiat fìndet m’r d’ dräi Walder Forêt de Belval [fɔʁɛ də belval](info), Bois de Vauréal [bwa də voʁeal](info) un Bois de Roches [bwa də ʁɔʃ](info), so wia mehrera Wäijer.^[9]

D’ G’mainda Les Charmontois ìsch ànna 1946 äntschtànda, wu d’ G’mainda Charmontois-le-Roi un Charmontois-l’Abbé füsioniart hann.^[2]

• d’ reemisch-kàthoolischa Mària-Geburts-kìrìch (église de la Nativité-de-la-Sainte-Vierge). Zitter 1974 sìnn ìn dr Kìrìch dräi Kunschtwark jewills àls Ainzelobjakta bii da Histoorischa Dankmooler iig’schtuuft, wo-n-a regionààla Bediitung hann: s’ Holzkrüzifix üss’m 17. Joohrhundert,^[10] dr Tàuifbäcka vum 17. Joohrhundert^[11] d’ Holzschtàtüüta vu dr Unb’fläcka Ämpfaangniss üss’m 18. Joohrhundert, wo vergulda-n-ìsch.^[12]

• 
  d’ Mària-Geburts-Kìrìch
• 
  s’ Zäntrààlglààs vu dr Mària-Geburts-Kìrìch
• 
  s’ Roothüüs
• 
  dr Wäijer Les Épinettes
• 
  a Waagkriiz z’ Les Charmontois, wo ànna 1780 ärrìchta worra-n-ìsch

• dr Làndwìrt un Politiker Henri Patizel (1871–1960) ìsch z’ Charmontois-le-Roi uff d’ Walt kumma. Ar ìsch Bìrgermaischter vu Charmontois-le-Roi un schpeeter vu Givry-en-Argonne gsìì, un d’rnooh Gen’rààlroot un Senàtmìtglììd üss’m Département Marne — ar ìsch Mìtglììd vu dr lìnksdemokrààtischa Fràkzioon gsìì un hàt ìm Pàrlàmant vor àllem um d’ Làndwìrtschàft g’schàfft. Ar ìsch àui dr äärschta Vorsìtzenda vu dr Làndwìrtschàftskàmmra vum Département Marne. Ar ìsch àm 10. Janner 1931 àls Rìtter vu dr Eehralegioon üsszaichnet worra.^[8]
• dam sii Suhn Louis Patizel (1902–1962), wo eewafàlls Bìrgermaischter vu Charmontois-le-Roi gsìì ìsch. Ar hàt d’ baida G’mainda Charmontois-le-Roi un Charmontois-l’Abbé loo füsioniara. Hìtt ìsch dr Zäntrààlplàtz vu dr G’mainda noh-n-ema g’nännt.^[8]

• Raoul Tollitte: Augustin Tollitte, soldat de l'Empereur (suite). In: Le petit journal de Sainte-Menehould et ses voisins d’Argonne. Nr. 85, 2019, S. 23–25 (französisch). 
• Raoul Tollitte: Augustin Tollitte, soldat de l'Empereur (suite et fin). In: Le petit journal de Sainte-Menehould et ses voisins d’Argonne. Nr. 86, 2020, S. 22–26 (französisch). 
• Jean Vigouroux: L’origine d’un vitrail de l’église des Charmontois : miracle... ou pas ? In: Le petit journal de Sainte-Menehould et ses voisins d’Argonne. Nr. 93, 2021, S. 8–10 (französisch). 
• Jean Vigouroux: Le pâtre communal de Charmontois-l’Abbé. In: Le petit journal de Sainte-Menehould et ses voisins d’Argonne. Nr. 92, 2021, S. 9–10 (französisch). 
• Raoul Tollitte: Augustin Tollitte. Soldat de la République, grognard de l’Empereur. In: Le petit journal de Sainte-Menehould et ses voisins d’Argonne. Nr. 83, 2019, S. 17–20 (französisch). 
• Jean Vigouroux: Henri Patizel, sénateur de la Marne (1871-1960). In: Horizons d’Argonne. Nr. 100, 2023, S. 25–42 (französisch). 

• d’ Lischta vu da G’mainda ìm Département Marne

 Commons: Les Charmontois – Sammlig vo Multimediadateie

• Schtàtistik züa dr G’mainda Les Charmontois biim INSEE (frànzeesch)
• Informàzioona züa dr G’mainda Les Charmontois ìn dr Dààtabànk vu dr LdH/EHESS/Cassini (frànzeesch)
• a Online-Kàrta vu Les Charmontois bii Géoportail (frànzeesch)
• Schtàtistischa Dààta züa dr G’mainda Les Charmontois, wo düü kààsch ufflààda bii data.gouv.fr (frànzeesch)