Lucera
| Lucera | ||
|---|---|---|
|
| |
| Staat: | Italie | |
| Region: | Apulien | |
| Provinz: | Foggia (FG) | |
| Koordinate: | 41° 30′ N, 15° 20′ O | |
| Hechi: | 219 m s.l.m. | |
| Flechi: | 338 km² | |
| Yywohner: | 31.458 (31. Dez. 2022)[1] | |
| Bevelkerigsdichti: | 93 Yyw./km² | |
| Poschtleitzahl: | 71036 | |
| Vorwahl: | 0881 | |
| ISTAT-Nummer: | 071028 | |
| Demonym: | Lucerini | |
| Schutzpatron: | Santa Maria Patrona di Lucera | |
| Website: | Lucera | |
Lucera (latiinisch: Luceria, griechisch Lukeria) isch e Stadt in der italiänische Provinz Foggia z Apulie. Si isch öbbe 20 Kilometer nordwestlig vo Foggia mit 30.514 Iiwohner (Stand 31. Jänner 2025). Lucera isch uf de drei Hügel Albano, Belvedere und Sacro baut und d Umgäbig isch e Wiibaugebiet.
Gschicht
Nach der Sag isch Lucera vom Diomedes, em Held vo de Grieche in der Ilias, gründet worde. In der Antike het sech d Stadt grüehmt, ass sälle s trojanische Staatsheiligtum Palladion nach em Raub nach Lucera brocht haig. Lucera isch aber wohrschiinlig e Gründig vo de Daunier. Ihre Name wird zum erste Mol 326 v. Chr. schriftlig erwähnt, wo d Lüüt vo Lucera als Verbündeti vo de Römer in Zweite Samnitische Chrieg zoge sind. Nochdäm Lucera zweimol vo de Samnite eroberet worden isch, isch dört 315/314 v. Chr. e latinischi Kolonii entstande. Luceria isch scho im 3. Johrhundert v. Chr. e bedütendi Siidlig gsi. Under em Kaiser Augustus isch in der Stadt non e zweiti Kolonii gründet worde.
Scho im 4. Johrhundert isch d Stadt Sitz von ere Diözese gsi. Si isch aber 663 vo de Byzantiner zerstört und erst im 13. Johrhundert vom Kaiser Friedrich II. as Kolonii für 20.000 Sarazene, wo us Sizilie zwangsumgsiidlet worde si, wider ufbaut worde. Im Johr 1300 si d Moslem, wo z Lucera gläbt hai, massakriert worde. Uf der Ruine vo ihrer Moschee het me d Kathedrale vo der Stadt errichtet.
1861 isch de Ort Deil vom vereinigte Königriich Italie worde.
Sehenswürdigkeite
- d Burg Lucera, wo under em Friedrich II. baut worden isch
- s römische Amphitheater us der Ziit vom Kaiser Augustus
- die gotischi Kathedrale us em früehje 14. Johrhundert
- s Museum Museo Civico "G. Fiorelli"
Lüüt
- August Kazotic (1304–1323) (Heilige, Bischof vo Lucera)
- Francesco Antonio Fasani (1681–1742) (Heilige, Franziskaner)
Fuessnote
- ↑ Demographic Balance and resident population by sex on 31st december 2022. Italian National Institute of Statistics, abgruefen am 14. Mai 2023.
Literatur
- Alexander Knaak: Prolegomena zu einem Corpuswerk der Architektur Friedrichs II. von Hohenstaufen im Königreich Sizilien 1220–1250, Marburg 2001. ISBN 3-89445-278-1 (Zum Castello von Lucera S. 24–38 mit einem Überblick zum Forschungsstand und Thesen zur Interpretation des Gebäudes)
- Maria C. D’Ercole: La stipe votiva del Belvedere a Lucera. In: Le stipi votive di Taranto. Bretschneider, Rom 1990 (Corpus delle stipi votive in Italia; 3: Regio 2; 2)
- Eberhard Horst: Der Sultan von Lucera. Friedrich II. und der Islam. Herder, Freiburg im Breisgau 1997, ISBN 3-451-04453-6
- Julie Taylor: Muslims in Medieval Italy. The Colony at Lucera. Lexington, Lanham 2003, ISBN 0-7391-0512-4
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
