Moorea
| Moorea | ||
|---|---|---|
 | ||
| Gwässer | Pazifische Ozean | |
| Inselgruppe | Gsellschaftsinsle | |
| Geographische Lage | 17° 32′ S, 149° 50′ W | |
| ||
| Lengi | 19 km | |
| Breiti | 11 km | |
| Flechi | 133 km² | |
| Hechschti Hebi | Mont Tohiea 1.207 m | |
| Iiwohner | 16.200 (2007) 122 Einw./km² | |
| Hauptort | Afareaitu | |
 | ||
Moorea (tahitianisch Mo’orea), elteri Nääme Aimeho oder Eimeo (Cook), Santo Domingo (Boenechea) und York Island (Wallis), isch en Insle im Süd-Pazifik, wo politisch zu Franzöösisch-Polynesie ghöört. Si het e Flechi vo 133 km² und öbbe 16 Duusig Iiwooner[1].
Geografii
Moorea ghöört geografisch zu de Gsellschaftsinsle (franzöösisch Îles de la Société), gnauer zu de Insle über em Wind (frz. Îles du Vent). Si isch die chliineri Schwöster vo Tahiti und mä cha sä vo Tahiti us gsee. Zwüschene isch e Meerängi wo 17 km bräit isch.
In dr Legände häisst s, ass Moorea d Ruggeflosse vom ene groosse Fisch sig. D Insle het öbbe d Form vom ene gliichsitige Dreiegg. Uf sinere nördlige Site het s zwäi diefi Buchte, d Baie de Cook (Cook’s Bay) und d Baie d’Opunohu. E Gebirgszug wo d Form vom ene V het und im Durchschnitt 800 m hooch isch, däilt d Insle in e Nord- und e Südhelfti und isch d Wasserschäide. E Hufe Fliessgwässer häi stäili Dääler usgrabt. Die höggsti Erheebig isch dr Mont Tohiea (au Tohivea gschriibe) mit ere Hööchi vo 1'207 m.
Vor em Nordwestspitz lige die bäide umbewoonte Insle, Motu Tiahura und Fareone.
Wirtschaft
Vili Lüt halte Moorea für die schönsti Insle vo ganz Polynesie und e Hufe Turiste chömme sit de 1960er Joor uf d Insle. Hützudags het s vor allem Luxushotel dört.
D Iiwooner bedriibe au e chli Landwirtschaft und broduziere Tahiti-Vanille , e chli Kopra , Brotfrücht, Yams, Taro, Süesshärdöpfel, Banane, Kokosnüss und anderi dropischi und subdropischi Frücht.
Weblingg
Commons: Moorea – Sammlig vo MultimediadateieFuessnoote
- ↑ Institut Statistique de Polynésie Française (ISPF) - Recensement de la population 2012
|
Dä Artikel basiert uff ere fräie Übersetzig vum Artikel „Moorea“ vu de dütsche Wikipedia. E Liste vu de Autore un Versione isch do z finde. |
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
