Pronomen

Pronome, uff Dytsch "Fürwörter", sin e Wortart, wo anderi Wörter, meistens Nome, ersetze oder begleite dien. Im erschte Fall diene sí dezüe, stilistisch únschöni Widderholige z umgoh. Mer deilt d Pronome in d Klasse Personalpronome, Possessivpronome, Reflexivpronome, Demonstrativpronome, Relativpronome, Interrogativpronome, Indefinitpronome und Artíkel y.

D Personalpronome oder dí persönlige Fürwörter ersetze de Spræcher, dí agsprocheni oder dí besprocheni Person (1./2./3. Person). Sí könne flektiert werde:

* E Bsunderheit vom Alemannische isch, dass d Forme, wo in de Tabælle mit me <*> kennzeichnet sin, als betonti Satzglyder e anderi Form aneh könne (en>ihn, em>ihm, re>ihre, ne>ihne). Zudèm könne "myr" und "ihr" noch me Verb zu de verkürzte Forme "mr" und "r" werde; "du" wird am Satzafang oft zu "de" odder "dr".

Sælli Pronome stönn vor em Nome, wo sí sich druff beziehn und zeige de Bsitz a. Zu derre Gruppe ghöre d Pronome my, dy, sy, ihr, unser, euer, ihr. Abgwandelti Forme, namentlig míns, díns, síns, ihrs, unsers, euers, ihrs (bzw. wyblig míni, díni ... und männlig míne, díne, ...) kömme immer ohni Nome vor.

Reflexivpronome verwyse uff s Subjekt zruck. Allerdings stönn sí im Gegesatz zum Subjekt im Akkusativ oder Dativ. Dodezüe ghöre dí in de Tabelle uffglistete Wörter.

Mit de Demonstrativpronome wird mit Betonig uff öbbis oder öbber verwyse. In de Satzmelody sin sí meistens betont.

Zu de Demonstrativpronome ghöre z. B. der/dä, die, des und sæll(-e/-i)

D Interrogativpronome stönn am Afang vo me Frogèsatz. Dodezüe ghöre z. B. was, welle, wer, wiso, wänn.

Relativpronome sin oft formglych mit de Interrogativpronome. Sí stönn allerdings am Afang vo Relativsätz; wenn e Satz durch e Interrogativpronome ygleitet wird, no wird er immer zu me Næbesatz.

Durch de Ysatz vo Indefinítpronome blíbt des, was mer meint, únbstimmt. Indefinítpronome sin zum Bíspyl alli, niemerts, immer, neume, kei, mer.

Artikel sy ke Pronome. Si stönn in Verbindig mit me Nome und drücke syni Definitheit (Linguistik) uus. Mit em Artikel setzt mer des, was mer meint, für de Züehörer in Beziehig und markiert öbbis als

1. individuell bekant (Gib mr mol d Uhr)
2. generell bekannt (d Sunne als Unikum, de Mænsch als Gattig)
3. aktuell no bekannt (E Ma hät d Kneipe betrætte)
4. Exemplar von re Art (E Fisch hät Kieme)

• [1]