Redfoo
Dr Stefan Kendal Gordy (* 3. Septämber 1975 z Los Angeles, Kalifornie), besser bekannt under sym Chinschtlername Redfoo, isch e US-amerikanische Rapper, Sänger, DJ un Musikproduzänt.
Anne 2006 het er zämme mit sym Neffe SkyBlu s Duo LMFAO grindet. Si hän zwäi Studioalbe vereffentligt, voreb si sich 2012 drännt hän.[1] Är isch dr jingscht Suhn vum Motown-Grinder Berry Gordy.[2]
Lääbe
Dr Redfoo isch am 3. Septämber 1975 as Suhn vum Berry Gordy, em Grinder vum Motown-Plattelabel, un dr Produzänti un Schriftelleri Nancy Leiviska uf d Wält chuu. Är isch mit em will.i.am un em GoonRock in d Mittelschuel gange un het anne 1995 an dr Palisades Charter High School z Pacific Palisades, Kalifornie, sym Abschluss gmacht.
Syy musikalischi Karriere isch in syre Juged stark vu sym Vater un syre Mueter beyflusst wore. Är het as Chind oft Konzert vu beriemte Lyt buecht. Zue syne musikalische Yyfliss ghere dr Michael Jackson un Lyt wie d Diana Ross un dr Smokey Robinson. Obwohl är us ere Musikerfamilie chunnt, isch syy erschti Priorität s Tennis gsii. Wu er sich d Hand broche het, het er agfange, d Musik ärnscht z näh (mit 16 Johr).
Musikalischi Karriere
1993–2005: Aafäng
1993 het dr Redfoo s Lied "Back in the Day" fir dr Rapper Ahmad produziert, wu 1994 vu dr RIAA mit Gold uuszaichnet woren isch. 1996 het er bi Bubanic Records unterschribe un mit em Rapper Dre' Kroom an sym erschte Album Balance Beam gschafft, wu 1997 uusechuu isch. 1998 het er am Lied Duet vu dr The Black Eyed Peas mitgschafft.
2006–2012: LMFAO
Dr Redfoo het 2006 mit sym Neffe SkyBlu s Electropop-Duo LMFAO grindet. S Duo isch dur ihri Uftritt un Radioshows bekannt wore un het schließli e Verdrag bi Interscope iberchuu. Ihri erscht Single I'm in Miami Bitch isch im Dezämber 2008 uusechuu. S zweit Album Sorry for Party Rocking (2011) het dr großi wältwyti Durchbruch brocht, vor allem dur d Hit-Single "Party Rock Anthem" un "Sexy and I Know It". Im Septämber 2012 het s Duo verchindet, ass si e Paus mache, go sich uf ihri Solokarriere z konzentriere.
2012–Hite: Solokarriere
Im Dezämber 2012 het dr Redfoo syy erschti Solosingle "Bring Out the Bottles" uusebrocht. 2013 het er "Let's Get Ridiculous" produziert, wu z Australie uf Blatz 1 vu dr Charts chuu isch. 2014 het er d Single "New Thang" uusebrocht. 2016 isch syy Album Party Rock Mansion uusechuu. 2023 het dr Redfoo no fimf Johr Paus e neiji Single uusebrocht: "Long Live Party Rock".
Diskografy
Albe
| Titel | Details |
|---|---|
| Ahmad (as Produzänt) |
|
| Balance Beam |
|
| Party Rock (as LMFAO) |
|
| Sorry for Party Rocking (as LMFAO) |
|
| Party Rock Mansion |
|
Lieder
| Titel | Johr |
|---|---|
| 1993 | |
| Duet * | 1998 |
| I'm in Miami Bitch | 2007 |
| Shots | 2008 |
| Gettin' Over You * |2010 | |
| Party Rock Anthem | 2010 |
| Champagne Showers | 2011 |
| Sexy and I Know It | 2011 |
| Sorry for Party Rocking | 2011 |
| Bring Out the Bottles | 2012 |
| Let's Get Ridiculous | 2013 |
| New Thang | 2014 |
| Juicy Wiggle | 2015 |
| Where the Sun Goes | 2015 |
| Booty Man | 2016 |
| Long Live Party Rock | 2023 |
Verchäuf
Verchaufdi Einheite as Hauptchinschtler
| Titel | Verchaufdi Einheite |
|---|---|
| I'm in Miami Bitch (2008) (LMFAO) | |
| Shots (2009) (LMFAO) |
|
| Yes (2010) (LMFAO) |
|
| Party Rock Anthem (2011) (LMFAO) |
|
| Champagne Showers (2011) (LMFAO) |
|
| Sexy and I Know It (2011) (LMFAO) |
|
| Sorry for Party Rocking (2011) (LMFAO) |
|
| New Thang (2014) (Solo) |
|
Filmografy un Videografy
Kino
- Very Heavy Love (2001)
- Potheads: The Movie (2006)
- Last Vegas (2013)
- Alvin and the Chipmunks: The Road Chip (2015)
- Deported (2020)
Färnseh
- David's Vlog – Serie (2016)
Fueßnote
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
