Robin Leon

Dialäkt: Mìlhüüserdiitsch

Dr Robin Leon (bìrgerlig dr Robin Schlupp; * 22. März 1997 z’ Attedorf, Unterelsàss) ìsch a elsassischer Schlààgersanger un Trumpeeter.

sii Laawa un Kàrriar

Dr Robin Schlupp ìsch àm 22. März 1997 z’ Attedorf bii Hààwanàui uff d’ Walt kumma un hàt därt àn dr Müüsikschüal fànga-n-àà Müüsik larna, wu-n-’r sììwa Joohra àlt gsìì ìsch — schuu doo hàt’r mìt dr Trumpeta g’schpììlt.^[1]^[2] Ar ìsch d’rnooh viar Joohra làng àn d’ Müüsikschüal vum Zorner Lànd z’ Huffalda gànga, un ìm Septamber 2012 ìsch’r nooh-n-em Wattb’wärb ìn d’ Schtroossburjer Müüsikhoochschüal iig’numma worra.^[2] Mìt 15 Joohra hàt’r siina äärschta Schàllplàtta nàmmens Mein Sommertraum loo veräffentliga — doo ìsch’r mìt dr Drumpeta z’ heera.^[3]^[4] Sii Kìnschtlernàmma „Robin Leon“ — mìt da Ààlüüta vu siim Groossvàtter vàttersitts — hàt’r zamma mìt siinera Fàmìlia g’wählt.^[5]

Ànna 2016 hàt’r d’ frànzeescha Àbitüür b’schtànda.^[6]^[7] Ìm saalwa Joohr hàt’r a diitscher Müüsikproduzänt getroffa, wo’na fìr dr diitscha G’sàngwättb’warb Immer Wieder Sonntag vum Kànààl ARD ààg’mäldet hàt.^[8] Ìm Àuigscht 2016 hàt’r s’ Finààla vum Wättb’warb mìt äbba 80 Prozant vu da Schtìmma g’wunna^[9]^[10]^[11]^[12]^[13]^[14] — d’ Sandung, wo ìm Europa-Park dräijt worra-n-ìsch, hann ìwwer zwai Millioona Züaschàuijer g’sah.^[15] Bii da Dräihja hàt’r d’ bekànnta Schlààgersanger Andy Borg un Hansi Hinterseer kännag’leehrt.^[16] Sii äärscht Àlbum Mein Sommertraum ìsch ìm saalwa Moneet üssagànga.^[2]

Ìm Septamber 2019 hann’na d’ Laaser vu dr Zittung L’Alsace àls „Elsasser vu dr Wucha“ g’nännt.^[17] Ànna 2022 hàt’r sii zwai Àlbum vorg’schtällt.^[18]

Dr Robin Leon gìlt àls a „Schlààger-Schtar“ ìm Elsàss un Diitschlànd. Ar sìngt uff Hoochdiitsch un uff Elsassisch,^[19]^[5] un àui a bìtsala uff Frànzeesch.^[20] Ar trìtt bii Konzärta ìm Elsàss, Diitschlànd, Eeschtriich un dr Schwiiz, wia àui ìn àndra Geegenda vum frànzeescha Grossa-n-Oschta uff.^[21] Ar ìsch zitter 2021 ìm Schàui vum Theààter Royal Palace z’ Kirrwiller z’ sah un hàt zitter 2023 siina aigana Farnsahsandung nàmmens Robin Leon Show, womm’r uff France 3 Alsace kààt sah — ’s ìsch d’ äärschta Schlààgersandung, wo ’s ìn Frànkrììch gìtt.^[19]^[22]^[23]^[24] Ìm Jüüni 2025 hàt’r a làngfrìschtiger Vertrààg biim Mìnchner Plàttaläjbel TELAMO unterschrììwa,^[25]^[26] ìm Mai 2026 wìrd’r ìm Schtroossburjer Zénith sìnga, fìr siina 10-jaahriga Kàrriar fiira.^[27]

Ìn siim Haimetdorf Attedorf trìtt’r jeedsjoohr biim Robin Leon Fest uff.^[5]

siina Diskogràfii

siina Àlba

ànna 2016: Mein Sommertraum
ànna 2017: Auf meiner blauen Wolke
ànna 2022: Die Sonne im Herzen

siina Sìnggel

ànna 2018: Stern von Venedig
ànna 2019: So wie ein Wunder
ànna 2020: Ich bin immer für dich da
ànna 2021: Das ist Sommer
ànna 2023: Jetzt geht es los

Lìteràtüür ìwwer’na

Véronique Kuhn: Robin Leon, d'Ettendorf, la nouvelle étoile dans l’univers des Schlager. In: Dernières Nouvelles d’Alsace. 2. Juni 2018 (französisch, archive.org [abgerufen am 9. April 2026]).
Sandrine Bavard: Robin Leon, petit prince du schlager. In: Journal des sorties. September 2016 (französisch, archive.org [abgerufen am 9. April 2026]).
Véronique Kuhn: Robin Leon : un parcours miraculeux ? In: Dernières Nouvelles d’Alsace. 10. Juni 2019 (französisch, archive.org [abgerufen am 9. April 2026]).
Robin Leon, vainqueur d’une émission télévisée. In: L’Alsace. 17. August 2019 (französisch, lalsace.fr).
Véronique Kuhn: En cinq ans, Robin Leon est devenu une star des Schlager. In: Dernières Nouvelles d’Alsace. 10. Juni 2021 (französisch, dna.fr [abgerufen am 9. April 2026]).
Guénolé Baron: Robin Leon, chanteur devenu vedette du schlager en Alsace et en Allemagne. In: Dernières Nouvelles d’Alsace. 21. Januar 2024 (französisch, dna.fr [abgerufen am 8. April 2026]).
Simon Haberkorn: Robin Leon : « Je suis fier de contribuer à rajeunir le Schlager ! ». In: M+ Info. 5. September 2025 (französisch, archive.org [abgerufen am 8. April 2026]).
Robin Leon - „Sur mon nuage bleu“. In: Region im Blick. (archive.org [abgerufen am 9. April 2026]).