Wikiversity
| Wikiversity | |
|---|---|
| |
| URL |
|
| Motto | dytsch: „Lernen und Lehren“, änglisch: „Set learning free“ |
| Kommerziäll | Nei |
| Bschryybig | Wikiprojekt: Lehr- un wisseschaftligi Uusduschplattform mit freje Inhalt |
| Regischtrierig | Optional |
| Sproche | Änglisch, Dytsch, Franzesisch, Griechisch, Italienisch, Japanisch, Portugiesisch, Schwedisch, Spanisch, Tschechisch |
| Eigetimer | Wikimedia Foundation |
| Erschine | 15. August 2006 |
D Wikiversity isch e Internet-Blattform zum gmeinschaftlige Lehre, Nochdänke und Forsche. Si isch s jüngscht Brojäkt vo de Wikimedia Foundation. S isch am 15. August 2006 gstartet und isch sit em 24. August 2006 in de Probephase (Beta-Phase).
Gschicht
D Wikiversity isch 2003 als eigeni Abdeilig vom änglischsprochige Wikibooks gstartet. Spöter sin meh sonigi Abdeilige in andere Sprochversione vom Wikibooks dezüecho.
Im August 2005 isch e dütschsprochigs Wiki under de Internetadräss de.wikiversity.org ygrichtet worre; am 16. August hät sich dört de erscht Nutzer agmäldet. E Monet spöter hät uff em Meta-Wiki vo de Wikimedia Foundation ei Monet lang e Meinigsbild stattgfunde, wo drüber abgstimmt worre isch, ob mer d Wikiversity als eiges Brojäkt uffsetze soll. Zerscht isch di dütschsprochigi Wikiversity aber di einzigi mit re eigene Domain gsi. Bis zum 24. August 2006 hän sich dört 93 Nutzer agmäldet. Bis zu sällem Zitpunkt hät mer s nit uff e dragbari Basis chönne stelle; zletscht sin d Aktivitäte uff de dütschsprochige Wikiversity fast ygschlofe gsi.
Fast e Johr noch em Start vo de dütsche Sprochversion isch s Wikiversity-Brojäkt in e neui Phase yträtte. De Jimbo Wales, e Mitgründer vo de Wikipedia und zu säller Zit Vorsitzende vo de Wikimedia Foundation, hät s Brojäkt noch siner Begrießigsred uff de zweite Wikimania am 4. August 2006 offiziäll akündigt. Uff de Grundlag vo me Bschluss vom Board vo de Wikimedia Foundation isch am 15. August e offiziälli Betaphase für 6 Monet gstartet worre. Am glyche Dag isch au di änglischsprochigi Domain en.wikiversity.org gstartet.
Noch em "Neustart" vo de dütschsprochige Wikiversity und re Neugstaltig vo de Strukture und Zyldefinitione hän sich in de erschte zwei Monet knapp 300 Nutzer agmäldet. Di spanisch- und di französischsprochigi Version hän am 16. Oktober bzw. 1. Dezämber 2006 ihri eigeni Domain kriegt. Witeri sin gsi: idaliänisch (18. Mai 2007); Japanisch, Tschechisch und Portugysisch (alli im Mai 2008).
Am 21. Oktober 2007 hät sich di dütschsprochigi Gmeinschaft i me mehrstufige Verfahre für "Lernen und Lehren" als neue Slogan entschyde, wo i Züechunft verwändet werre soll. Di änglischi Wikiversity hät scho vorher "Set learning free" gwählt.
Zyl
Uff de internationale Koordinationssite beta.wikiversity.org findet sit em Start vo de Beta-Phase e mehrsprochigi Diskussion über grundlegendi Froge zu de Schwerpunktfachsetzig und zu de Brojäktrichtlinie statt. Dodeby cha mer jetz scho di erschte Underschyd zwüschem dütsche und em änglische Brojäkt seh.
Di änglischi Wikiversity konzentriert sich uff d Erstellig vo Internet-Lehrmaterialie und setzt dodeby au Materialie vo de Wikibooks y. Di dütschsprochigi Wikiversity hät ihr Schwerpunkt uff e dreiglydrigs Agebot uss Lehr, Forschig und wüsseschaftligem Usdusch. In de dütschsprochige Beschrybig vom Brojäkt heißt's dodezüe: „Wikiversity ist eine Plattform zur gemeinschaftlichen Bearbeitung wissenschaftlicher Projekte, zum Gedankenaustausch in fachwissenschaftlichen Fragen und zur Erstellung freier Kursmaterialien … Durch Wikiversity wird es räumlich getrennten Wissenschaftlern möglich, kooperativ zu arbeiten, ohne dafür eine eigene technische Infrastruktur aufbauen zu müssen.“[1]
Lizenzierig
Di änglischsprochigi Wikiversity stellt ihri Byträg under d GNU-Lizänz für freii Dokumentation (wie d Byträg vo de Wikipedia. Bi de dütschsprochige werre si under de freie Lizänz Creative Commons by-sa veröffentligt, wo d Namesnännig und d Witergab under de glyche Bedingige beinhaltet.
Weblink
- Wikiversity – Dütschi Hauptsite
- Wikiversity:Campus – Überblick über di zentrale Yrichtige und alli Fachberych, wo im Momänt aktiv sin
Referänze
- ↑ Über Wikiversity bi de dütschsprochige Wikiversity
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
