Pasawali pisacepo’ a kimad

Fafahiyan sa’etal a kimad masowal i niyaro no ’Amis/Pangcah, halo ’Amis/Pangcah finacadan ato Sakicaya finacadan, o nian ko satapangan to pisacepo’ no niyaro’.

Mifoting ko fainayan, masamaan a tahasiday, tayra i no fafahiyan a kanatal, tora a kanatal saheto o fafahiyan, halafin itira a malepel, tona pakatama to mimingay po’ot mitakaw milaliw, mapanakay no ’iso i niyaro, masasi’araw to niyaro’ay tamdaw, itiya pasadak to kinaira to malosapato’aya sapiahowid.

Onini a kimad, manawnaw itira toya sa’etal i riyar, nai riyar mikalic to ta’akay foting a minokay, pasikawas no riyar ato ta’akay ko pipacakat, matiniay a kimadan, pahapinang to yincumin ato riyar a masasiketay.

Da’oc no finacadan taira riyar a mifotingay, o sakaira no kadofahay a foting ato rihaday ko pinokay, pakayni to nia fafahiyan a sa’etal a kimad ato pisacepo’ a lisin malecad ko pirocok to sakiriyar a mingodo to sapitari’ang.

Ci Masao Nikar