Batubulan, Sukawati, Gianyar

8°36′45″S 115°15′13″E / 8.612499°S 115.253655°E / -8.612499; 115.253655

Batubulan
Désa
Peta genah Désa Batubulan
Negara	Indonésia
Propinsi	Bali
Kabupatén	Gianyar
Kecamatan	Sukawati
Pamréntahan
• Perbekel	Dewa Gedé Sumertha, SH.,MH.
Kodepos	80582
Kode Kéméndagri	51.04.01.2001
Jimbar	6,44 km²[1]
Akéh krama	21.443 diri (2014)[1] 28.131 diri (2010)[2]
Kepadetan	4.369 diri/km²(2010)
Akéh KK	4.289 KK[1]

Désa Batubulan inggih punika silih tunggil désa sané wénten ring wawengkon Kecamatan Sukawati, Kabupatén Gianyar, Provinsi Bali, Indonésia.^[3]

Wates wewidangan administratip Désa Batubulan minakadi:

Nganggit saking makudang wit minakadi Babad, Arsip, Literatur saha Informasi, sapunika garis ageng lelintihan Batubulan prasida kakepah manut papat aab sekadi punika : (1). Aab Kerajaan, (2). Aab Panjajahan, (3). Aab Kamahardikaan tur (4). Aab Mangkin.^[4][5]

Nganggit saking silih tunggil babad, kanikayang pamerontakan I Gusti Agung Maruti sawatara abad XVII ring krajan Gegel, Klungkung. Ring tengah-tengah pamerontakan punika satunggil panunggang jaran nuduk pianak sané salanturné kaempu olih I Gusti Ngurah Bija saking Penatih miwah I Gusti Ngurah Jambé Pulé saking Krajan Badung. Raja Badung daweg nika ngaptiang, pinaka pianak kaduduk punika kamanjingang ring kalesan sapunika ida kaparabin Déwa Agung Kalesan. Ring sujatiné punika oka saking kulawarga warih Dalem Sagening. Sesampun Déwa Agung Kalesan sampun kelih, antuk pasuwécan raja ida kaicain ngawangun puri sané magenah ring sisi kangin krajan Badung kasarengin makudang pangiring. Daweg panarukan alas, Déwa Agung Kalesan nyingakin satunggil watu sané masunar sekadi bulan lan olih ida genah punika kaaranin Batubulan, ring genah puniki Déwa Agung Kalesan sareng para parekan ipun meneng antuk ngamong pameréntahan taler ngajimbarang wawidangan kakuasaan nganti nuju Batuyang lan Batuaji sané magenah ring sisi kangin Batubulan. “Batubulan” punika sané mangkin kasineb ring Mrajan Agung Batubulan.

Palimbakan pariwisata ring Bali sané wawu kakawitin daweg Abad ka-20 antuk rauhné kapal api Belanda sané kaloktah maparinama Konninklijk Paketvart Maatschapij (KPM) makta wisatawan ngarauhin Bali saking Labuhan Buléléng (Bali Kalér). Wawidangan désa Batubulan ritatkala aab nika kaloktah olih seniman tari lan ukiran, makéh para tamiuné ngarauhin désa mangda prasida nyingakin bebalihan sesolahan barong miwah sané liyanan tur numbas ukiran-ukiran.

Wewidangan Désa Batubulan madué nem welas dusun utawi banjar dinas, inggih punika:^[6]

Puniki lis perbekel miwah plt sané kantun ngamong utawi polih ngamong Désa Batubulan.

Mawit adat ring Désa Batubulan kakepah antuk tigang désa pakraman, inggih punika:^[6]

Désa Pakraman Jro Kuta

Désa Pakraman Dlod Tukad

Désa Pakraman Tegaltamu

Ring warsa 2014, akéh krama ring désa Batubulan (proyéksi BPS) kirang langkung 21.443 diri sané kakepah antuk 10.818 lanang miwah 10.625 istri, taler tingkat sex rasionyané kirang langkung 101,82.^[1]

Sapunika wénten akéh infrastruktur ring Désa Batubulan, paindikan puniki kakepah dados tiga widang luiré :^[9]

Kantor Pameréntahan Désa wénten asiki Ruang Perbekel, Ruang Sékrétaris Désa, saha ruang Manggala Urusan, wénten lobby lantai dasar sapunika asiki ruang rapat kapasitas 100 jadma, asiki ruang perpustakaan, sékrétariat BPD, sékrétariat LPM lan sékrétariat PPK taler Karang Taruna tur Hansip. Lapangan Sépakbola sané prasida kaanggén olahraga tiosan sépakbola rumasuk paindikan sané kakait sareng Désa Batubulan becik ring parlaksana kadinesan tur adat istiadat. Wénten taler Bacingah kantor perbekel sané kacihnain antuk taru bingin, marga dados genah transportasi Desa Batubulan sané becik santukan Désa Batubulan kaentasin olih marga nasional sané ngubungang Kota Dénpasar lan Kabupatén Gianyar.

Désa Batubulan madué asiki panggung bebalihan antuk tari Barong ring wawidangan wisata Pura Puseh Batubulan. Panggung-panggung druén sekaa wénten 6, punika wénten lima panggung Barong lan asiki panggung Génjék lan Jogéd.

Sekolah ring désa Batubulan akéhné 1 Sekolah SMA Swasta, 3 SMK Negeri, 1 SMK Swasta, 2 SMP Swasta, 6 Sekolah Dasar Negeri, 2 SD Swasta, 12 TK Swasta.

• (Indonésia) Situs Resmi Propinsi Bali Archived 2023-08-20 at the Wayback Machine
• (Indonésia) Badan Pusat Statistik Propinsi Bali
• (Indonésia) Situs Resmi Kabupatén Gianyar Archived 2023-07-30 at the Wayback Machine
• (Indonésia) Badan Pusat Statistik Kabupatén Gianyar

cutetan: URL dados kauahin/ilang. Yening URL nenten aktip, ngiring kaapus saking lis.

Suratan sané matopik Désa ring Indonésia puniki kantun marupa rintisan. Ida dané dados ngawangun Wikipédia sambilang ngalimbakang.