Teep
| Teep | |
|---|---|
| |
| Woh teep ring taru nyane, ring Kabupatén Kutai Barat, Kalimantan Timur | |
| Klasifikasi ilmiah | |
| Krajaan
|
|
| Divisi
|
|
| Kelas
|
|
| Bangsa
|
|
| Familia
|
|
| Marga
|
|
| Spésiés
|
A. odoratissimus
|
| Adan Binomial | |
| Artocarpus odoratissimus Blanco
| |
Teep (Artocarpus odoratissimus) satmaka tetanduran woh-wohan saking kaluwarga taru nangka (Artocarpus). Woh nyané sekadi nangka sané alit, menawi ambu ipun luwih arum. Ring Usada Taru Pramana kanikayang taru puniki prasida keanggén tamba.
Rupa
Tegeh taru puniki prasida nganti 25 m, taler watang ageng nyané prasida nganti 40 cm, warna ipun kelawu. Carang taru puniki medué bulu-bulu sané lantang tur warna ipung kuning nganti bang. Teep punika woh-wohan wiji ipun maumah tunggal (monokotil).
Din teep wentuk ipun lonjong nganti bunter, ageng nyané 11-28 × 16–50 cm, matepi rata utawi megerigi éndep, maujung tumpul utawi ngelancip akedik, miwah mecarang 2–3 cm. Don penumpu wentuk ipun bunter, 1–8 cm, mabulu kuning utawi merah, pinaka rontok pacang wentén tampak bungkung ring carang punika.
Pasekaran wentén ring bongkol soliter, sané tumbuh ring sipah don. Bongkol sekar muani wentuk ipun jorong nganti gada, 2-6 × 4–11 cm. Woh nyané majemuk (syncarp) wentuk ipun bunter, nganti 13 × 16 cm, marwarna kuning mesawang gadang risampuné tasak, antuk nonjol-nojol sekadi duwi belek endek, mecarang lantang 5–14 cm, tumbuh ring ujung carang sekadi ring timbul. Daging woh (semu, sujatiné saking parkembangan akeh sekar) mewarna petak, kawéntenang akéh sari woh, manis miwah harum, belig benyek miwah sekadi jeli ring ilat. Wiji (perikarp) ageng nyané 8 × 12 mm.
Sebaran, kawiguna miwah ékologi
Teep nenten akéh kasebar, kasub kabudidaya ring Filipina (sekadi ring Mindoro, Mindanao, Basilan miwah Sulu), Kalimantan wagian kalér (Brunei, Sabah, Serawak, Kalimantan Timur sareng Kalér) miwah Thailand. Asal ipun kecawang saking kalér Kalimantan, punika Sabah Malaysia ring irika katemu teep sané liar. Teep taler kabudidaya ring Queensland, Australia.
Taru puniki ketandur kerereh woh nyane, keajeng utawi kaolah dados sanganan. Woh teep patut kagelisin keajeng, mawinan harum ipun gelis ical miwah warna ipun prasida kauah mawinan kaoksidasi. Wiji teep keajeng risanmpuné keratengin.
Teep prasida tumbuh ring wewengkon nampek pesisi nganti duur nyané 1000 m dps. Taru puniki seneng tanah legit mebias taler wewengkon antuk akéh sabeh sané cukup taler rata. Woh nyané prasida keambil ring masan hujan, riantara Agustus nganti Januari mawit saking wewengkon nyané.
Pustaka
- Verheij, E.W.M. dan R.E. Coronel (eds.). 1997. Sumber Daya Nabati Asia Tenggara 2: Buah-buahan yang dapat dimakan. PROSEA – Gramedia. Jakarta. ISBN 979-511-672-2.
Pranala jaba
- (Inggris) FAO: FAO: Under-utilized tropical fruits[permanent dead link]
- (Inggris) Marang/Tarap with pictures of the fruit Archived 2007-04-30 at the Wayback Machine
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
