Ізабела Габсбургская

Ізабела Аўстрыйская
ням.: Isabella von Österreich
Каралева Ізабела
Каралева-кансорт Швецыі 1515 — 1523
Папярэднік	Крысціна Саксонская
Пераемнік	Кацярына Саксэн-Лаўэнбургская
каралева Даніі і Нарвегіі 1520 — 1521
Папярэднік	Крысціна Саксонская
Пераемнік	Сафія Памеранская
Нараджэнне	18 ліпеня 1501(1501-07-18) Брусель
Смерць	19 студзеня 1526(1526-01-19) (24 гады) Гент
Месца пахавання	Царква Божай Маці і Святога Пятра[d] Сабор Святога Кнуда[1]
Род	Габсбургі, Ольдэнбургі
Бацька	Філіп I Кастыльскі
Маці	Хуана I Вар’ятка
Муж	Крысціян II, кароль Даніі
Дзеці	Ганс Дацкі Даратэя Дацкая Крысціна Дацкая
Медыяфайлы на Вікісховішчы

Ізабела Габсбургская (Ізабела Аўстрыйская) (ням.: Isabella von Österreich, дацк.: Isabella af Østrig, 18 ліпеня 1501, Брусель — 19 студзеня 1526, Гент) — эрцгерцагіня Аўстрыі, інфанта Іспаніі і прынцэса Бургундыі, каралева Даніі, Нарвегіі і Швецыі.

Дачка караля Кастыліі Філіпа I і Хуаны Вар'яткі, сястра імператара Свяшчэннай Рымскай імперыі Карла V. Таксама вядомая пад імёнамі Ізабела Бургундская, Ізабела Аўстрыйская і Ізабела Кастыльская.

11 ліпеня 1514 года ў адсутнасць на цырымоніі самага жаніха выйшла замуж за дацкага караля Крысціяна II. Замест жаніха на шлюбе быў яе дзядуля, імператар Максіміліян I. Праз год прыбыў архібіскуп Нарвегіі, каб суправадзіць яе ў Капенгаген. 12 жніўня 1515 года быў заключаны афіцыйны шлюб.

Ізабелу каранавалі і далі імя Елізавета (дацк.: Elisabet). Першы год шлюбу адносіны паміж сям'ёй Ізабелы і каралём Крысціянам II былі вельмі халаднаватыя. Палюбоўніца караля Дзівіке (дачка галандскай мяшчанкі Сігбрыты, дацк.: Dyveke Sigbritsdatter) была з ім у адносінах з 1507 года, і ён не збіраўся кідаць яе з-за малалетняй жонкі.

Раззлаваны імператар пачаў было дыпламатычную барацьбу з Крысціянам II, але пытанне вырашылася сам сабой у 1517 годзе, калі Дзівіке памерла (верагодна, была атручана). У наступныя гады адносіны Ізабелы з мужам значна палепшыліся.

Ізабела нарадзіла траіх дзяцей:

• Ганс (1518—1531),
• Даратэя (1520—1580), выйшла замуж за курфюрста Пфальцкага Фрыдрыха II,
• Крысціна (1521—1590), герцагіня Міланская, атрымала вядомасць дзякуючы партрэту, напісанаму Гансам Гальбейнам малодшым, калі англійскі кароль Генрых VIII шукаў сабе нявесту.

У немалой ступені дзякуючы хадайніцтву каралевы Ізабелы Дацкай, з Дылінгенскай турмы быў вызвалены Іаган-Каспар Аквіла, найбліжэйшы паплечнік Марціна Лютэра, які быў пасаджаны туды па ўказанні біскупа аўгсбургскага^[2].

Калі Крысціян II быў зрынуты ў 1523 годзе дваранамі, якія падтрымлівалі яго дзядзьку Фрыдэрыка, новы кароль вырашыў захаваць добрыя адносіны з сям'ёй Ізабелы. Ён асабіста напісаў ліст у Германію, прапанаваўшы ёй пенсію як каралеве-ўдаве і дазволіў застацца ў Даніі пад яго абаронай, у той час як Крысціян II бег у Галандыю. Аднак Ізабела паслала яму ліст у адказ, які пачынаўся словамі «ubi rex meus, ibi regna mea» (лат. «дзе мой кароль, там маё каралеўства»). Яна пакінула Данію разам з мужам і дзецьмі. Ізабела памерла ва ўзросце 24 гадоў.