Афрыканскі тэатр ваенных дзеянняў Другой сусветнай вайны

Афрыканскі тэатр ваенных дзеянняў Другой сусветнай вайны
Асноўны канфлікт: Другая сусветная вайна
Брытанскія салдаты ў Эфіопіі 28 верасня 1941
Дата	10 ліпеня 1940 — 6 лістапада 1942
Месца	Судан, Эфіопія, Эрытрэя, Брытанскае Самалі, Італьянскае Самалі, Кенія, Французская Заходняя Афрыка, Французская Экватарыяльная Афрыка, Мадагаскар, Чырвонае мора, Індыйскі акіян
Вынік	Перамога саюзнікаў
Праціўнікі
Брытанская імперыя:  Вялікабрытанія  Аўстралія Індыя Палесціна Паўднёвая Радэзія  ПАС  Змагарная Францыя  Нідэрланды Бельгія  Эфіопія Італія Японія Французская дзяржава
Камандуючыя
Арчыбальд Уэйвел Роберт Стурджэс Эндру Канінгем Шарль дэ Голь Хайле Селасіе I Уга Кавальера Гульельма Насі Арманд Леон Анет Марсэль Цету

Афрыка́нскі тэа́тр вае́нных дзе́янняў Друго́й сусве́тнай вайны́ (1940—1942) — баявыя дзеянні, якія праходзілі падчас Другой сусветнай вайны ва Усходняй, Заходняй і Цэнтральнай Афрыцы.

3 жніўня 1940 італьянскія войскі пачалі наступленне з тэрыторыі Эфіопіі і Італьянскага Самалі ў брытанскія калоніі Кенія, Судан і Брытанскае Самалі. У Брытанскім Самалі ім удалося выцесніць значна саступаючыя ім па колькасці паўднёваафрыканскія і брытанскія каланіяльныя войскі праз праліў у брытанскую калонію Адэн. У Судане італьянцы здолелі заняць гарады Касала, Галабат, Курмук, але неўзабаве яны былі спыненыя.

Пасля стварэння «Змагарнай Францыі» ў французскіх калоніях праходзілі бітвы паміж вішысцкімі і дэголеўскімі войскамі. У верасні 1940 войскі «Змагарнай Францыі» разам з брытанскімі, галандскімі і аўстралійскімі часткамі пацярпелі паражэнне ў Сенегале. Аднак у лістападзе ім удалося адваяваць Габон.

У студзені 1941 брытанскія войскі ва Усходняй Афрыцы перайшлі ў контрнаступленне і выгналі італьянцаў з Кеніі і Судана. Да сакавіка брытанцы захапілі Італьянскае Самалі і ўварваліся ў Эфіопію, дзе іх колькасць пачала хутка ўзрастаць, галоўным чынам дзякуючы прытоку эфіопскіх партызан. 6 красавіка 1941 англійскія, паўднёваафрыканскія і эфіопскія войскі ўвайшлі ў Адыс-Абебу. Італьянцы былі цалкам разбітыя. Апошнія італьянскія войскі, якія яшчэ супраціўляліся, здаліся ў лістападзе 1941.

5 мая 1942 дэголеўскія і брытанскія войскі ўварваліся на Мадагаскар, які быў базай забеспячэння японскіх падводных лодак у Індыйскім акіяне. Да лістапада 1942 года востраў быў вызвалены ад вішысцкіх і японскіх войскаў.

• Кампаніі і бітвы Другой сусветнай вайны
• Паўночнаафрыканская кампанія