Генрых Кампендонк

Генрых Кампендонк
ням.: Heinrich Campendonk
Дата нараджэння	3 лістапада 1889(1889-11-03)[1][2][…]
Месца нараджэння	Крэфельд, Германская імперыя[3]
Дата смерці	9 мая 1957(1957-05-09)[1][2][…] (67 гадоў)
Месца смерці	Амстэрдам, Паўночная Галандыя, Нідэрланды, Каралеўства Нідэрландаў[4]
Месца пахавання	Begraafplaats Buitenveldert[d]
Грамадзянства	Германія[6]  Каралеўства Нідэрландаў
Род дзейнасці	мастак, выкладчык універсітэта, ілюстратар, графік, рысавальнік
Месца працы	Дзюсельдорфская акадэмія мастацтваў Каралеўская акадэмія прыгожых мастацтваў у Амстэрдаме[d] Каралеўская акадэмія прыгожых мастацтваў у Амстэрдаме[d][5]
Мастацкі кірунак	экспрэсіянізм
Уплыў на	Harry op de Laak[d][7]
Медыяфайлы на Вікісховішчы

Генрых Кампендонк (ням.: Heinrich Campendonk; 3 лістапада 1889, Крэфельд — 9 мая 1957, Амстэрдам) — нямецкі жывапісец, графік, мастак па шкле і разьбяр па дрэве, прадстаўнік нямецкага экспрэсіянізму.

У 1905—1909 гадах навучаўся ў крэфельдскай школе мастацтваў у Торн-Прыкера. У 1911 годзе пераязджае ў Зіндэльсдорф, сяброўства з Маркам і Маке, удзельнічае ў выставе групы «Сіні вершнік». У 1913 годзе ўдзельнічаў у «Першым нямецкім восеньскім салоне» ў Берліне і ў выставе «Рэйнскія экспрэсіяністы» ў Боне. У 1914—1916 гадах служыў у войску, пасля дэмабілізацыі пераязджае ў Зехаўпт на Штарнбергерскім возеры. У 1919—1921 гадах — член «Працоўнай рады для мастацтва». У 1922 годзе вяртаецца ў Крэфельд, працуе там выкладчыкам у мясцовай школе мастацтваў. У 1926 годзе прафесар Дзяржаўнай Акадэміі мастацтваў у Дзюсельдорфе (пазбаўлены гэтага звання ў 1933 годзе нацыстамі). У 1934 годзе эміграваў у Бельгію. У 1935 годзе пераязджае ў Амстэрдам, прафесар Нідэрландскай Акадэміі мастацтваў. У 1937 годзе абвінавачаны нацыстамі ў прыналежнасці да «дэгенератыўнага мастацтва», 87 работ мастака выдалены з нямецкіх музеяў.