Паўднёва-Каралінскі ўніверсітэт

Паўднёва-Каралінскі ўніверсітэт
англ.: University of South Carolina
Арыгінальная назва	англ.: University of South Carolina
Заснаваны	1801
Студэнты	35 470[1] і 51 853[2]
Краіна	ЗША[3]
Размяшчэнне	Калумбія, Паўднёвая Караліна, ЗША
Сайт	sc.edu
Медыяфайлы на Вікісховішчы

Паўднёва-Каралінскі ўніверсітэт (англ.: University of South Carolina) — амерыканская дзяржаўная вышэйшая навучальная ўстанова са статусам даследчага ўніверсітэта, якая месціцца ў горадзе Калумбія ў штаце Паўднёвая Караліна.

З'яўляецца галаўной ўстановай Сістэмы Паўднёва-Каралінскага ўніверсітэта.

Гэта флагман сістэмы вышэйшай адукацыі штата і яго буйнейшы ўніверсітэт па колькасці студэнтаў. Яго галоўны кампус займае больш за 145 га ў цэнтры горада Калумбія — сталіцы штата.

Тут захоўваецца самая вялікая калекцыя Роберта Бёрнса і шатландскіх літаратурных матэрыялаў за межамі Шатландыі і самая вялікая ў свеце калекцыя Эрнэста Хемінгуэя.

Заснаваны ў 1801 годзе як Паўднёва-Каралінскі каледж, універсітэт сёння прапануе больш за 350 праграм навучання, якія вядуць да атрымання ступеняў бакалаўра, магістра і доктара ў 14 каледжах і школах.

• 1801 — Паўднёва-Каралінскі каледж
• 1866 — Паўднёва-Каралінскі ўніверсітэт
• 1880 — Паўднёва-Каралінскі каледж сельскай гаспадаркі і механікі
• 1882 — Паўднёва-Каралінскі каледж
• 1888 — Паўднёва-Каралінскі ўніверсітэт
• 1890 — Паўднёва-Каралінскі каледж
• 1906 — Паўднёва-Каралінскі ўніверсітэт

• Каледж мастацтваў і навук
• Школа бізнесу
• Каледж адукацыі
• Каледж інжынерыі і вылічальнай тэхнікі
• Школа аспірантуры
• Каледж гасціннасці, рознічнага гандлю і спартыўнага менеджменту
• Каледж інфармацыі і камунікацый
• Школа права
• Школа медыцыны ў Калумбіі
• Школа медыцыны ў Грынвілі
• Школа музыкі
• Каледж медсястрынства
• Каледж фармацыі
• Школа грамадскага здароўя
• Каледж сацыяльнай работы
• Ганаровы каледж

Сістэма Паўднёва-Каралінскага ўніверсітэта — гэта сістэма дзяржаўных універсітэцкіх кампусаў і ўстаноў адукацыі (напаўсамастойных універсітэтаў і каледжаў), створаная ў 1957 годзе для пашырэння адукацыйных магчымасцей жыхароў Паўднёвай Караліны, а таксама пашырэння ахопу Паўднёва-Каралінскім ўніверсітэтам усяго штата. Сістэма ўключае ў сябе флагманскі навукова-даследчы кампус у Калумбіі, 3 старэйшыя кампусы і 4 рэгіянальныя кампусы:

• галоўны кампус (універсітэт) ў Калумбіі (заснаваны ў 1801 годзе)
• кампус (універсітэт) у паўночнай частцы штата (1967)
• кампус (універсітэт) у Эйкене (1961)
• кампус (каледж) у Боферце (1959)
• кампус (каледж) у Ланкастары (1959)
• кампус (каледж) у Самтэры (1966)
• кампус (каледж) у Юніяне (1965)
• кампус (каледж) Салкехаці ў Алендэйле і Валтэрбара (1965)

• Спіс універсітэтаў штата Паўднёвая Караліна

• На Вікісховішчы ёсць медыяфайлы па тэме Паўднёва-Каралінскі ўніверсітэт
• Афіцыйная інтэрнэт-старонка ўстановы