Фёдар Пятровіч Талстой

Фёдар Пятровіч Талстой
руск.: Фёдор Петрович Толстой
Дата нараджэння	21 лютага 1783(1783-02-21)[1]
Месца нараджэння	Санкт-Пецярбург, Расійская імперыя
Дата смерці	25 красавіка 1873(1873-04-25)[1][2] (90 гадоў)
Месца смерці	Санкт-Пецярбург, Расійская імперыя
Месца пахавання	Лазараўскія могілкі Аляксандра-Неўскай лаўры[d]
Грамадзянства	Расійская імперыя
Бацька	Пётр Андрэевіч Талстой[d]
Маці	Elizaveta Egorovna Barbot de Marny[d]
Жонка	Anna Fedorovna Dudina[d] і Anastasiya Tolstaya[d][5]
Дзеці	Ekaterina Junge[d] і Marya Kamenskaya[d]
Род дзейнасці	скульптар, мастак, кампазітар, выкладчык універсітэта, медальер, балетмайстар
Месца працы	Імператарская Акадэмія мастацтваў[3][4] Эрмітаж[4] Санкт-Пецярбургскі манетны двор[4]
Вучоба	Імператарская Акадэмія мастацтваў (1806) Полацкі езуіцкі калегіум (1796)[6] Марскі кадэцкі корпус[d] (1802)[4][7]
Член у	Акадэмія прыгожых мастацтваў[d]
Медыяфайлы на Вікісховішчы

Фёдар Пятровіч Талсто́й^[8] (руск.: Фёдор Петрович Толстой; 10 (21) лютага 1783 — 13 (25) красавіка 1873) — рускі тэатральны мастак, жывапісец, графік, скульптар, медальер, педагог.

Нарадзіўся ў Санкт-Пецярбургу. Вучыўся ў Полацкім езуіцкім калегіуме ў 1792—1796 гадах, потым з 1898 года ў Марскім кадэцкім корпусе ў Санкт-Пецярбургу, з якога ў 1802 годзе выпушчаны мічманам. У 1804 годзе выйшаў у адстаўку. У 1804—1806 гадах наведваў медальерны клас Санкт-Пецярбургскай Акадэміі мастацтваў, дзе займаўся пад кіраўніцтвам І. П. Пракоф’ева^[9]. У 1806 годзе прызначаны на службу ў Эрмітаж^[9]. У 1810—1828 гадах медальер Санкт-Пецярбургскага манетнага двара^[9]. З 1825 года Ф. П. Талстой выкладаў у Акадэміі мастацтваў^[8] — прафесар медальернага (з 1842 года) і скульптурнага (з 1849 года) класаў^[10]. Віцэ-прэзідэнт Акадэміі мастацтваў у 1828—1859 гадах^[10], у 1859—1868 гадах таварыш (намеснік) прэзідэнта^[8]. Загадваў мастацкім аддзяленнем мазаічнай установы Акадэміі мастацтваў (1851), кіраваў мастацкім аддзелам мазаічнага аддзялення (з 1852 года)^[11].

Творы Ф. П. Талстога вызначаюцца вытанчанасцю формы, паэтычным успрыманнем антычнасці, гарманічнасцю кампазіцыі і тонкасцю мадэліроўкі. Сярод твораў мастака барэльефы са сцэнамі з «Адысеі» Гамера, 21 |медальён ў памяць Айчыннай вайны 1812 года і замежных паходаў рускай арміі ў 1813—1814 гадах, медаль «Народнае апалчэнне 1812», скульптуры, жывапісныя партрэты, акварэлі, выявы інтэр’ераў, нацюрморты, ілюстрацыі да паэмы І. Багдановіча «Душачка» і іншыя. Выканаў скульптуры для храма Хрыста Збавіцеля ў Маскве^[11]. Аўтар мемуараў^[11].

Член Таварыства заахвочвання мастацтваў ў 1820—1871 гадах, Вольнае таварыства аматараў расійскай славеснасці (1817, ганаровы член-з 1820), сапраўдны член Прускай акадэміі мастацтваў у Берліне (1822), ганаровы член Курляндскага таварыства літаратуры і мастацтва (1825), ганаровы член Фларэнційскай Акадэміі мастацтваў (1846), ганаровы член Маскоўскага мастацкага таварыства (1851).

• Талсто́й Фёдар Пятровіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 408. — 10 000 экз. — ISBN 985-11-0035-8. — ISBN 985-11-0251-2 (т. 15).
• Толсто́й Фёдор Петрович / Нейман М. Л. // Т. 26. Тихоходки — Ульяново. — М. : Советская энциклопедия, 1977. — С. 55. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)
• ТОЛСТО́Й Федор Петрович // Популярная художественная энциклопедия. Архитектура. Живопись. Скульптура. Графика. Декоративное искусство. В 2 т. / Под ред. Полевого В. М. Ред. кол.: В. Ф. Маркузон, Д. В. Сарабьянов, В. Д. Синюков (зам. гл. ред.) — М.: Издательство «Советская энциклопедия», 1986. — Книга II. М—Я, 1986. — С. 297. — 432 с, ил., 32 л. ил. — 200 000 экз. (руск.)
• ТОЛСТО́Й Фё­дор Пет­ро­вич // Большая российская энциклопедия : [в 35 т.] / гл. ред. Ю. С. Осипов. — М. : Большая Российская энциклопедия, 2004—2017.

• Профіль Ф. П. Талстога на сайце Расійскай акадэміі мастацтваў (руск.)
• 250 лет со дня рождения Ф. В. Толстого] (руск.) // Сайт Расійскай акадэміі мастацтваў
• ТОЛСТОЙ Федор Петрович // Виртуальный Русский музей (руск.)