Ян Ежы Радзівіл

Ян Юрый Радзівіл
польск.: Jan Jerzy Radziwiłł
Ян Юрый Радзівіл. З альбома «Выявы роду Радзівілаў». Нясвіж, 1758
Герб «Трубы»
кашталян троцкі 10 красавіка 1613 — 18 снежня 1625
Папярэднік	Юрый Радзівіл
Пераемнік	Альбрэхт Уладзіслаў Радзівіл
Нараджэнне	8 студзеня 1588(1588-01-08)[1] Чарнаўчыцы, Берасцейскі павет, Берасцейскае ваяводства, Вялікае Княства Літоўскае, Рэч Паспалітая
Смерць	18 снежня 1625(1625-12-18)[1][2] (37 гадоў) Кобрын, Берасцейскі павет, Берасцейскае ваяводства, Вялікае Княства Літоўскае, Рэч Паспалітая або Трокі, Троцкі павет, Троцкае ваяводства, Вялікае Княства Літоўскае, Рэч Паспалітая
Месца пахавання	Крыпта-пахавальня Радзівілаў
Род	Радзівілы
Бацька	Мікалай Радзівіл «Сіротка»
Маці	Альжбета з Вішнявецкіх
Жонка	Элеанора з Астрожскіх
Адукацыя	Нясвіжскі езуіцкі калегіум Браўнсбергскі езуіцкі калегіум[d] Аўгсбургскі езуіцкі калегіум[d]
Медыяфайлы на Вікісховішчы

Ян Юрый Радзівіл (8 студзеня 1588, мястэчка Чарнаўчыцы Берасцейскага павета — 18 снежня 1625, горад Кобрын) — дзяржаўны дзеяч Вялікага Княства Літоўскага, кашталян троцкі (з 1613)

Валодаў маёнткамі ва Украіне; II ардынат на Нясвіжы (1616).

З нясвіжскай лініі роду Радзівілаў гербу «Трубы», сын Мікалая Крыштафа «Сіроткі», ваяводы віленскага, і Альжбеты Яўхіміі з Вішнявецкіх. Меў братоў Жыгімонта Караля, Альбрэхта Уладзіслава і Аляксандра Людвіка.

Навучаўся ў езуіцкіх калегіумах Нясвіжа, Бранева, Аўгсбурга, падарожнічаў па Германіі, Італіі.

Абіраўся паслом на сойм (1611), маршалак Галоўнага Трыбунала ў 1616. Падтрымліваў палітыку Жыгімонта Вазы, неаднаразова быў сенатарам-рэзідэнтам пры каралю.

У 1619 выехаў у вялікае замежнае падарожжа, наведаў Германію, Бельгію, Англію, Францыю, Іспанію, Італію. У 1621 запісаўся ва ўніверсітэт у Падуі, а ў 1625 — у Балонні.

У шлюбе з Элеанорай Астрожскай дзяцей не меў, па яго смерці Нясвіжская ардынацыя перайшла да брата Альбрэхта Уладзіслава^[3].

У апошні год жыцця Я. Ю. Радзівіла на тэрыторыі сучаснай Беларусі прайшла чума («моравае паветра»), ад якой ён, імаверна, і памёр.

• Радзівіл Ян Юрый // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 500. — 792 с. — ISBN 985-11-0378-0 (т. 2), ISBN 985-11-0315-2.
• Шышыгіна-Патоцкая К. Я. Нясвіж і Радзівілы. — Мн.: Беларусь, 2007. — 240 с.: іл. ISBN 978-985-01-0740-4.