Actor o Ganada oedd Douglas Rain (13 Mawrth1928 – 11 Tachwedd2018). Er mai actor llwyfan oedd yn bennaf, roedd yn fwy enwog am ddarparu llais y cyfrifiadur HAL 9000 ar gyfer y ffilm 2001: A Space Odyssey (1968) a'i ddilyniant, 2010: The Year We Make Contact (1984).
Bywyd a gyrfa
Ganwyd Rain yn Winnipeg, Manitoba, yn fab i Mary, nyrs, a James Law, switsiwr iard rheilffordd. Roedd ei rieni yn hannu o Glasgow, yr Alban.[1] Astudiodd actio yn Ysgol y Celfyddydau Gain Banff yn Banff, Alberta, a Theatr yr Old Vic ym Mryste, Lloegr. Roedd yn aelod sefydlol o Ŵyl Stratford yng Nghanada ym 1953 a fu'n gysylltiedig ag ef fel actor llwyfan tan 1998.[2] Bu farw Rain ar 11 Tachwedd 2018, yn 90 oed yn Ysbyty Coffa St Marys yn St Marys, Ontario, o achosion naturiol.[3][4] Gadawodd tri o blant ac un wyres ar ei ôl.[5]
Perfformiodd mewn amrywiaeth eang o rannau theatrig, megis cynhyrchiad o Henry V a lwyfannwyd yn Stratford, Ontario, a addaswyd ar gyfer y teledu yn 1966.[6] Yn 1972, enwebwyd Rain ar gyfer Gwobr Tony am y Actor Cefnogol neu Nodwedd Orau (Dramatig) am ei berfformiad yn Vivat! Vivat Regina![7]
2001
I gychwyn dewiswyd Rain gan Kubrick fel adroddwr ar gyfer y ffilm 2001 ar ôl clywed ei droslais yn y rhaglen ddogfen "Universe" ac yn ddiweddarach dewiswyd ef fel llais anghynnes HAL.[8]
Ffilmyddiaeth
Oedipus Rex (1957) — Creon
Just Mary (1960, Cyfres deledu) — (llais)
The Night They Killed Joe Howe (1960, Drama deledu, yn cyd-serennu Austin Willis a James Doohan) — Joseph Howe
