|
L'ultima casa a sinistra (film 2009)
«
S'un qualchidòṅ al faśìs dal mâł a chi 't vō bèṅ, in fiṅ a che punt rivarév-at tè par vindéta?»
(Tagline dal film)
Al film 'l à fat sù da piò ad quarànta-sinc migliòṅ ad dòlar, dimóndi da piò di cóst fér'm a quìndas. SuntLa famìja Collingwood, furmàda da 'l cirùśig John (Tony Goldwyn), da sò mujēr Emma (Monica Potter) e da sò fiōla śōvna Mari (Sara Paxton), ch'a gh piàś dimóndi nudàr, la decìd ad pasàr soquànt dè in dla cà 'd campàggna ch'i gh'aṅ a 'l lâg, in mèś a 'l bòsc. Rivàda là, la Mari la và a catàr la sò amìga Paige (Martha MacIsaac), ch'la fà la cumésa in un negòsi dal paéś. Mént'r i dascóran da drē da 'l banc, a riva dènt'r un śōvan, Justin Stillo (Spencer Treat Clark), ch'al vōl cumpràr dal sigaréti. I tri i faṅ amicìsia e 'l ragàs al gh śibìs 'd andàr da lò, in un mutèl, a fumàr dla marijuana insém. Al dū śuvnòti i gh astànan. A 'n sèrt punt i tórnan a cà, prima dal prevìst, i parènt dal ragàs: sò pàdar Krug (Garret Dillahunt), la sò muróśa Sadie (Riki Lindhome) e sò sîṅ Francis (Aaron Paul), tri delinquènt ch'i aṅ péna masâ di pulisiòt. Esénd al sò fóto su tut i giurnài, c'n al risć ch'al ragàsi i pòs'n avēr-i arcgnusû in ghigna, i tri i decìd'n ad purtàr-li in dal bòsc par cupàr-li. Esénd che la Paige e la Mari i s arvòltan, tintànd anc ad scapàr, Krug prima al scurtèla a mòrt la Paige, pò al viulénta la Mari par punisiòṅ. Chi lē la gh la cava però a butàr-'s in dl'àqua e a nudàr via ma, a 'l ùltim, la s bèca na sćiuptàda, finénd in un mâr ad sangṿ. P'r al fat ch'in dla lòta Francis 'l è armàś frî a 'l naś e ch'in cal mèntar 'l è tacâ a timpistàr fòrt, i Stillo i sònan a na pòrta par dmandàr ajùt par pasàr la nòt a 'l quèrt. A gh vèra pròpria John. Culegamènt estéran |
|||||||||||||||||
.png)
