Ada Thilen
| Ada Thilen | |
|---|---|
 | |
| Bizitza | |
| Jaiotza | Kuopio, 1852ko maiatzaren 10a |
| Herrialdea |  Finlandia |
| Heriotza | Helsinki, 1933ko ekainaren 14a (81 urte) |
| Hezkuntza | |
| Heziketa | Suediako Arteen Errege Akademia Académie Colarossi (en)  |
| Hizkuntzak | finlandiera |
| Irakaslea(k) | Hjalmar Munsterhjelm (en) Jean-Léon Gérôme Léon Bonnat |
| Jarduerak | |
| Jarduerak | margolaria |
Ada Maria Thilen (Kuopio, Finlandia, 1852ko maiatzaren 10a – Helsinki, 1933ko ekainaren 14a) margolari finlandiarra izan zen.
Bizitza
Thilen Kuopion jaio zen 1852an. Jaiotzez begietako lesioa zuenez, beirazko begia erabili behar izan zuen.[1] Aita Julius Gustaf Reinhold Thilen Senatuko Altxor Ganberako kontseilaria zen, eta ama Vilhelmina Angelika Elisabet Ehrnrooth izan zen.[2]
Thilenek Hjalmar Munsterhjelm margolari suediar-finlandiarrarekin ikasi zuen Suediako Arteen Errege Akademian, Stockholmen.[3] 1876 eta 1878 urteen artean Adolf von Becker irakaslearekin, Helene Schjerfbeck, Maria Wiik eta Helena Westermarck bezala, ikasi zituen beste margolari suediar eta finlandiar batzuen belaunaldi berekoa zen, eta haiekin arte-estudio bat partekatu zuen.[4][1][4]
Margolari ibilbidea
1876 urtean egin zuen debuta artista gisa, hastapenetan paisaiak irudikatuz, artearen ikuspegi idealista eta erromantikoarekin, bere lehen irakasleen eraginez.[4] 1880 urtean Parisen hasi zen ikasten, Trélat Akademian, eta Léon Bonnat eta Jean-Léon Gérôme pintore frantsesak izan zituen irakasle.[4][3] Parisko akademian Helene Schjerfbeck, Helena Westermarck, Ellen Favorin edo Alma Engblom finlandiar artistak zeuden.[4] Hala ere, guztiak Académie Colarossi ikastera pasatu ziren handik denbora batera, non Thilen-ek Gustave Courtois eta Louis-Joseph-Raphaël Collin izan zituen maisu, aretoko artista errealistatzat jotzen zirenak. Norvegiara edo Bretainiara egin zituen bidaiak 1886an, eta paisaiak eta erretratuak margotu zituen.[4]
Bere irakasle paristarrak, 1880 urteko udan Fanny Churberg eta Hilda Granstedt margolari finlandiarrek berarengan izan zuten eraginarekin batera, giltzarri izan ziren Thylenen erretratuen pinturarako bilakaeran eta sasoi horretako errealismo frantses tipikoan, italiar eraginekin, 1890 urteko The Blue Bell Girl bere lanik ospetsuenean islatzen dena.[4][3][4] Thylen-ek olio-pinturak erabiltzen zituen, akuarela eta pastel-pinturez gain, eta bere lanak tamaina txikikoak eta gai naturalekoak izan ohi ziren, atzerrira egindako bidaiei buruzko kontakizun batzuekin, sinpletasuna, emozioa eta marrazkiaren eta kolorearen nagusitasuna ezaugarri zituztenak.[4] 1896 urtean Thilenek bere autorretratua margotu zuen.[5]
Bere belaunaldiko emakumezko artista gehienek ez bezala, Thilenek ez zuen inoiz banakako erakusketarik egin, baina bere ibilbidean zehar artista finlandiarren zenbait erakusketa kolektibotan izan zuen presentzia, hala nola 1893, 1895, 1897, 1900, 1901, 1903, 1906 eta 1924an.[4][3] 1920 urtean, atzera begirako erakusketa batean parte hartu zuen Strindberg Aretoan, eta bertan Hanna Rönnberg eta Anna von Bonsdorff artisten lanak ere sartu ziren.[4]
Thilenen lan gehiena bilduma partikularretan dago. Bere eta Helene Schjerfbeck margolariaren arteko korrespondentzia Turkuko Åbo Akademi Unibertsitateko liburutegian dago.[4] Thilen Helsinkin hil zen 1933 urtean.
Iruditegia
-
Gizonezkoaren erretratua (1881) -
Ostra-biltzaileak (1885) -
Gorutan (1888) -
Autorretratua (1896) -
Neska paisaia batean irakurtzen (1896) -
Natura hila frutekin (1896) -
Neska azenarioak garraiatzen (1889 ingurukoa) -
Goiza (1899) -
Lan txikiak -
Oilarra eta oiloa
Erreferentziak
- ↑ a b Taiteiljatoveruutta. Helene Schjerfbeck, Maria Wiik, Helena Westermarck ja Ada Thilén | Lukulamppu. .
- ↑ «Ylioppilasmatrikkeli 1640-1852» ylioppilasmatrikkeli.helsinki.fi.
- ↑ a b c d Lukulamppu : Taiteiljatoveruutta. Helene Schjerfbeck, Maria Wiik, Helena Westermarck ja Ada Thilén. .
- ↑ a b c d e f g h i j k l «Etusivu» kansallisbiografia.fi.
- ↑ «Ada Thilén - Artworks» www.the-athenaeum.org.
Kanpo estekak
| Autoritate kontrola |
|
|---|
Datuak: Q21993953
Multimedia: Ada Thilén / Q21993953
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
