Alfred Schnittke

Alfred Schnittke
Irudi gehiago
Bizitza
Jaiotza	Engels (hiria), 1934ko azaroaren 24a
Herrialdea	Sobietar Errepublika Sozialisten Batasuna  Errusia
Heriotza	Hanburgo, 1998ko abuztuaren 3a (63 urte)
Hobiratze lekua	Novodevitxi hilerria
Heriotza modua	berezko heriotza: istripu zerebrobaskularra
Familia
Aita	Harry Schnittke
Ezkontidea(k)	Irina Schnittke (en)  (1961 -
Seme-alabak	ikusi Andrej Schnittke (en)
Haurrideak	ikusi Viktor Schnittke (en)
Hezkuntza
Heziketa	Moskuko Musika Kontserbatorioa
Hizkuntzak	errusiera alemana
Jarduerak
Jarduerak	konpositorea, piano-jotzailea, musika-irakaslea, unibertsitateko irakaslea, soinu banda konpositorea eta musikaria
Enplegatzailea(k)	Moskuko Musika Kontserbatorioa
Lan nabarmenak	ikusi Q2097043 Symphony No. 0 (en) Symphony No. 9 (en)
Jasotako sariak	ikusi Knight Commander's Cross of the Order of Merit of the Federal Republic of Germany Bach Prize of the Free and Hanseatic City of Hamburg  (1992) Praemium Imperiale  (1992) Honored art worker of the Russian Soviet Federative Socialist Republic State Prize of the Russian Federation  (1995) Krupskaya State Prize of the RSFSR  (1986) Austrian Decoration for Science and Art  (1995)
Kidetza	Alemaniako Errepublika Demokratikoko Artearen Akademia Berlingo Arteen Akademia Bavariako Arte Ederren Akademka
Genero artistikoa	XX. mendeko musika klasikoa opera sinfonia Musika jasoa
Musika instrumentua	pianoa
Diskoetxea	ECM Records (en)
schnittke.org

Alfred Schnittke, errusieraz Альфре́д Га́рриевич Шни́тке (Engels, Saratov barrutian, Sobietar Batasuna, 1934ko azaroaren 24a - Hanburgo, Alemania, 1998ko abuztuaren 3a) errusiar musikagilea izan zen.

Lehenengo musika-ikasketak Vienan egin zituen, 1946tik 1948ra bitartean. Moskura itzuli zenean, Evgeni Golubev eta Nikolaï Rakoven ikasle izan zen Urriko Iraultzako Musika Akademian, 1958. urtera arte. 1961. urtetik aurrera, orkestrazioa eta konposizioa erakutsi zuen Moskuko kontserbatorioan, eta 1972an bertako irakasle izendatu zuten. 1980an Vienako Musikhochschuleko irakasle bihurtu zen. 1990ean errusiar eta alemaniar hiritartasun bikoitza hartu zuen, eta Hanburgon hartu zuen bizilekua. Mundu osoan aritu zen, eta interprete handienek jo zuten haren musika: Rostropovitx, Rojdestvenski, Kremer, Youri Bashmet, Gutman, Kronos laukotea, Alban Berg laukotea, Borodine laukotea. 1992tik 1994ra, gaixorik, musika idazten jarraitu zuen, eta hala idatzi zuen 9. sinfonia (1996-1997).

Schnittkeren lehenengo lanak nahiko konbentzionalak izan ziren, Prokofieven eragin nabarmena zutenak: "Kontzertua biolinerako 1" (1957), "Kontzertua pianorako" (1960), "Sonata biolin eta pianorako 1" (1963). Ondoren, idazketa seriala aurkituta, ganbera-musikaren forma zorrotzetara egokitu zuen: "Harizko laukotea 1" (1966), "Elkarrizketak", biolontxelo eta zazpi tresnetarako (1965). Poloniako eskolak erakarri zuen, eta Lutoslawskiren eraginpean, lirismo pertsonalagorantz bideratu zuen bere hizkuntza. "1. Sinfonia" (1969-1972) garai horren lan adierazgarriena da, eta debekatu egin zuten Sobietar Batasunean. Hala ere, Shnittkeren musika Mendebaldean jotzen hasi zen, eta Xostakovitxen ondorengotzat hartzen zen. Erlijioa gero eta leku garrantzitsuagoa hartzen hasi zen bere lanetan: requiem bat atera zuen Shillerren Don Carlos lanerako egindako musikatik eta "2. sinfonia" lanerako meza latinoaren testua hartu zuen. Poliki-poliki katolizismora jo zuen (1983). 60ko hamarraldiaren bukaeratik aurrera, Schnittkek hainbat jatorritako osagaiak nahastu zituen bere musikan, vienar balsak, tangoak, rocka eta abar. Dena dela, estilo desberdin anitzeko hizkuntza hori desagertu egin zen 80ko hamarraldian, eta musika egituratuago baterantz egin zuen. Garai horretako musikaren erakusgarri da (K)ein Sommernachtstraum (1985) orkestrarako lana.

Wikimedia Commonsen badira fitxategi gehiago, gai hau dutenak: Alfred Schnittke