Alida Withoos
| Alida Withoos | |
|---|---|
_Alida_Withoos_(1662-1730).jpg) | |
| Bizitza | |
| Jaiotza | Amersfoort, 1661 |
| Herrialdea |  Zazpi Herbehere Batuen Errepublika |
| Heriotza | Amsterdam, 1730eko abenduaren 5a (68/69 urte) |
| Familia | |
| Aita | Matthias Withoos |
| Haurrideak | |
| Hezkuntza | |
| Hizkuntzak | nederlandera |
| Jarduerak | |
| Jarduerak | botanika ilustratzailea, margolaria, ilustratzailea eta artista |
| Lantokia(k) | Hoorn eta Amsterdam |
| Genero artistikoa | izadi hila lore-pintura |
Alida Withoos (Amersfoort, c. 1661/1662 – Amsterdam, 1730) botanikan espezializatutako Herbehereetako margolaria izan zen.
Bizitza
Matthias Withoos margolariaren eta Wendelina van Hoorn-en zortzi seme-alabetako bat zen. Berari, bere hiru nebei —Johannes, Pieter eta Frans— eta bere ahizpa Mariari erakutsi zien aitak bodegoi edo natura hilak margotzen eta ilustrazio botanikoak egiten.[1]
Frantziarrek Utrecht inbaditu zutenean eta Amersfoort arriskuan ikusita, familia amaren hiriran, Hoornera, joan zen bizitzera 1672an.[1]
1701ean, Andries Cornelisz van Dalen margolariarekin ezkondu zen,[1] XVII. eta XVIII. mendeko Holandan ohikoa zena artista familien arteko harremanetan.[2]
1730ean hil zen eta Amsterdameko Westkerk-en lurperatu zuten abenduaren 5ean.
Lana
Pintore gisa trebatzea oso garestia zen, eta sarritan ez zegoen baliabiderik alabei irakasteko. Hala ere, aitaren, osaben, neben edo ezkontidearen estudioan lan egiteko trebatuak izan zitezkeen dohainak zituzten emakumeak.
Hoornen, Withoosen hainbat seme-alabak artista gisa aritu ziren lanean: loreak, txoriak, tximeletak eta intsektuak margotzen. Inbentarioetan, irudi lan horiei "Withoosjes" deitzen zitzaien.
Alida Withoosek ospea lortu zuen bere margolanekin, bere izena erabilita, senarrak, nebek edo ahizpak ez bezala. Ospe hori batez ere bere irudi botanikoengatik lortu zuen.
Alida Withoos izan zen —bere neba Pieterrekin batera— Vijverhof landetxean landareak margotzen zituzten artista ugarietako bat Agnes Block arte bildumazale eta hortikultorearen zerbitzura. Alidak Agenesentzat margotu zuen, 1687an, Europan hazitako lehen anana tropikala (zoritxarrez, irudi hauek desagertu egin dira).[1]
Gureganaino iritsi dira, ostera, 1694an Moninckx Atlaserako egin zituen hamahiru akuarelak. Moninckx aita-alabek sortu zuten 420ko landareen irudiak jasotzen dituen atlas hura, herbariorik ez zeukan Amsterdamgo Hortus Botanicuseko landareen erregistroa izateko (lorategi botaniko hartan, Herbehereetako Ekialdeko Indietako Konpainiako itsasontzietan ekarritako landareak hazten zituzten, etxe bloketan bezala ilaran).[1]
Wageningen Unibertsitateko Liburutegiak Simon Schijnvoet bildumagileak erositako marrazki liburu bat dauka, Alida Withoosen zazpi ilustrazio biltzen dituena, beharbada Agnes Blockentzat enkarguz egindakoak.[1][3]
Marrazki hauek guztiak bere obraren kalitate handiaren isla dira.
Dirudienez, ezkontzaren ostean lan egiteari utzi zion.[1]
Erreferentziak
Kanpo estekak
- Biografia Digitaal Vrouwenlexicon-en
- Alida Withoos eta bere lana - Bibliotheek Wageningen UR-en erakusketa digitalak
- Konstboeck
Datuak: Q441625
Multimedia: Alida Withoos / Q441625
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
