Alluitz
| Alluitz | |
|---|---|
 | |
| Datu orokorrak | |
| Garaiera | 1.034 m |
| Prominentzia | 88 m |
| Mota | mendia |
| Geografia | |
 | |
| Koordenatuak | 43°10′17″N 2°38′20″W / 43.1714°N 2.639°W |
| Mendikatea | Anbotoko mendilerroa |
| Herrialdea |  Euskal Herria |
| Probintzia |  Bizkaia |
| Mendizaletasuna | |
| Lehen igoera | 1867an militar batzuk igo ziren bertako batzuek lagunduta neurriak hartzeko |
| Ohiko bidea | Atxartetik |
| Geologia | |
| Material nagusia | kareharri |
| Garaia | Kuaternario |
Alluitz edo Asluze, Bizkaiko hego-ekialdean dagoen mendia, Abadiñoko udalerrian eta Anbotoko mendilerroan kokatuta dagoena, Anboto mendititik Larranoko lepoak banatzen duelarik. Izan ere, Larranotik Alluitzeko tontorreraino gandor ikusgarria luzatzen da, ondorengo puntuak igaro beharrekoak izanda: Larranoko Puntie (981 m), Urkuletako igarobidea (949 m), Gaintzako punta (1.014 m), Bedarkuluko lepotxoa, Zorrotzako haitza (1.017 m), Larrano Urkuluko lepoa (951 m), Larrano Urkuluko Puntie (1.016 m), "Infernuko zubia" edo Kokuskuluko arraila izugarria ( 976 m ).
Alluitzek 1.040 metroko altuera dauka tontorreraino, eta mendilerroko bigarren altuena da Anboto beraren ostean.
Fitxa teknikoa
- Garaiera: 1.040 metro.
- Mendilerroa: Anboto.
- Hasiera: Atxarteko harrobia.
- Altuera tartea: 785 metro.
- Denbora: 3 ordu.
- Koordenatuak: 43º 0.7´Iparralde. 2º 37´ Mendebalde.
- Zailtasuna: Altua. Eguraldi txarrarekin desegokia.
- Ikustekoak: Eskalatzeko hormak eta bideak. Pagadiak.
Abiapuntuak
Bi abiapuntu dira nagusiak. Bideak ongi seinalatuta egoteagatik, ekipo egokia eramanez gero, behar bezala prestaturiko edozein mendizalerentzako egokia da Alluitz mendia.
- Ohiko bidea Atxartetik (290 m) abiatzen da eta Artolako lepotik (564 m) igotzen da. Bertan bidea bitan banatzen da, mendebalderantz Aitz txikira (732 m) joateko edo ekialderantz Alluitzera harritza batetik apurka-apurka igotzeko. Bide hau elorri zuri bakarti baten ondotik igarotzen da, gandor zati bat eginez. Ordu 1 eta 45 minutuko ibilaldia da guztira.
- Bestela, Urkiolatik (730 m) iristen da Larranoko lepora (957 m) hegoaldetik, bertan Santa Barbarako baseliza dagoelarik Alluitz eta Anboto artean. Hortik gandor luze eta ikusgarria hasten da, Larrano puntie (981m), Zorrotza (1.017 m), Larrango Urkulu (915 m) eta batez ere "Infernuko zubia" edo Kokuzkuluko arraila ezaguna (976 m), alde bietan amildegi handiak dituena eta I-II motako zailtasuna eskatzen duena. 1921ean Ángel Sopeña eta Ignacio Palacios eskalatzaile aitzindariak igo ziren lehenengo aldiz. 2 orduko ibilaldia da.
Azkenik, Larranora igotzeko iparraldetik ere egin daiteke: Axpe-Martzaatik (Atxondo) alde batetik edo Sagastatik (Abadiño), bestetik.
Ikus, gainera
Kanpo estekak
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
