Andréa Werner

Andréa Werner
Irudi gehiago
state deputy of São Paulo (en) 2023ko martxoaren 15a -
Bizitza
Jaiotzako izen-deiturak	Andréa Werner Silva Bonoli
Jaiotza	Belo Horizonte, 1975eko azaroaren 30a (50 urte)
Herrialdea	Brasil
Hezkuntza
Heziketa	Pontifícia Universidade Católica de Minas Gerais
Hizkuntzak	portugesa
Jarduerak
Jarduerak	kazetaria, politikaria eta disability rights activist (en)
Ideologia eta sinesmenak
Alderdi politikoa	Brazilian Socialist Party (en) Sozialismoa eta Askatasuna Alderdia
andreawerner.com.br

Andréa Werner Silva Bonoli (Belo Horizonte, 1975eko azaroaren 30a) brasildar kazetaria, politikaria eta pertsona autisten eskubideen aldeko ekintzailea da. Brasilgo Alderdi Sozialistako kidea da, eta gaur egun São Paulo estatuko diputatua da.

Andréa Werner kazetaritzan lizentziatu zen Minas Geraisko Unibertsitate Katoliko Pontifikalean. 31 urterekin ezkondu zen eta 32 urterekin lehen semea izan zuen, Theo^[1].

2010ean, Theori autismoa diagnostikatu ziotenean, neurotipo hori aztertzen hasi zen eta Lagarta Vira Pupa bloga sortu zuen, haur autista baten ama izandako esperientziei buruz hitz egiteko asmoz. Proiektu horrek garrantzia hartu zuen Brasilgo pertsona autisten eta haien familien artean^[2][3]. Andréa autismoaren inguruko ekitaldietan eta telebista-saioetan parte hartzen hasi zen. 2016an Lagarta Vira Pupa: A vida e os aprendizados ao lado de um lindo garotinho autista liburua kaleratu zuen^[4], eta 2017an beste bat: Meu amigo faz iiiii^[5].

Crescer aldizkariko zutabegilea ere izan da^[6] eta 2019an Mirarizko Soluzio Mineralaren aurkako kanpaina bat bultzatu zuen, #ForaMMS izenekoa^{[7][8][9][10]}.

2021eko urtarrilean, Andréa Wernerrek Instituto Lagarta Vira Pupa erakundea sortu zuen, desgaitasuna duten emakumeek eta haur desgaituen amek osatua^[11].

Heldua zela, arreta-defizitaren eta hiperaktibitatearen nahasmendua diagnostikatu zioten. 2023an ebaluazio profesional berri bat egin zioten, eta autismoa diagnostikatu ziotela agerian utzi zuen publikoki^[12].

2018ko hauteskundeetan, São Pauloko diputatu federalaren kargurako aurkeztu zen Sozialismo eta Askatasunaren Alderdiko kide gisa^[13]. 43.142 boto jaso zituen eta ez zen hautatua izan^[14].

2020an, São Paulo hiriko zinegotzi kargurako aurkeztu zen. 17.565 boto jaso zituen eta berriro ez zuten hautatu^[15].

2021ean, Sozialismo eta Askatasunaren Alderdia utzi zuen eta Brasilgo Alderdi Sozialistan sartu zen. 2022ko hauteskundeetan, São Paulo estatuko diputatuaren kargurako aurkeztu zen^[16] eta hautatua izan zen^[17] 88.772 botorekin^[18].

• Lagarta Vira Pupa: A vida e os aprendizados ao lado de um lindo garotinho autista (2016)
• Meu amigo faz iiiii (2017)