Antonio Chavier
| Antonio Chavier | |
|---|---|
| Bizitza | |
| Jaiotza | Los Arcos, XVII. mendea |
| Herrialdea |  Nafarroa Garaia, Euskal Herria |
| Heriotza | Iruñea, 1695eko apirila ( urte) |
| Hezkuntza | |
| Heziketa | Salamancako Unibertsitatea : jurisprudentzia |
| Hizkuntzak | gaztelania |
| Jarduerak | |
| Jarduerak | abokatua, legelaria eta epailea |
Antonio Chavier (Los Arcos, XVII. mendearen lehen herena -Iruñea, 1695eko apirila) abokatu eta epaile nafarra izan zen. Fueros del Reyno de Navarra desde su creación, hasta su feliz unión con el de Castilla y Recopilación de las leyes promulgadas desde dicha unión hasta el año de 1685. argitaratu zuen.
Biografia
Familia noblekoa, 1655eko urtarrilaren 26an Salamancako Unibertsitatean jurisprudentzian lizentziatu zen, eta berehala hasi zuen bere ibilbidea Administrazioko enplegatu gisa. Hala, 1660ko irailaren 26rako Gaztelako Kontseiluan sartu zen, abokatu gisa. 1662ko abuztuaren 29an, Nafarroako Errege Kontseiluaren baimena eskatu zuen Nafarroako Errege Auzitegietako abokatu gisa onartua izateko, eta hiru egun geroago, azterketa gainditu ondoren, lanean hasi zen.
1668an Gerra Auzitegiko fiskal gisa jardun zuen. Handik gutxira, 1669an, Nafarroako Errege Kontseiluko bitarteko fiskala izango zen, eta kargu hori geroago beteko zuen, 1674an, hura ere bitarteko gisa. Erregeordearen faborea lortu ondoren, 1676ko azaroaren 1ean auditore nagusi izendatu zuten «Nafarroako erresumako gerrako jende guztiaren auditore nagusi, bere muga eta eskualdeetan».[1]
Aldi berean, Iñigo Belandia erregeordearen aholkularia izan zen gerra eta Estatu gaietan. Gotzain-gaietarako abokatu gisa ere lan egin zuen eta 18 urtez Pedro Roche Iruñeko gotzainarentzat. Gainera, Iruñeko erregidore izan zen hirutan, eta baita merkatuko alkate ere behin.
1693. urtearen amaieran, jurisdikzio-gatazka baten ondorioz epaile titularrak eskumikatu ondoren, Errege Kontseiluari elkartutako epaile izendatu zuten, eta 1695eko apirilean hil zen arte aritu zen karguan, baina ez zuen lortu, nahi bezala, Kontseiluaren barruan plaza jabetzan lortzea.
Erreferentziak
- ↑ Martínez Arce, María Dolores. (1998). Recopiladores del derecho navarro: estudio histórico de las trayectorias personales y profesionales de los recopiladores de fueros y leyes de Navarra (1512-1841). , 34-36 or. ISBN 978-84-235-1709-1..
Kanpo estekak
| Autoritate kontrola |
|
|---|
Datuak: Q113531395
Multimedia: Antonio Chavier / Q113531395
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
