Askalafo
| Askalafo | |
|---|---|
| Ezaugarriak |
Greziar mitologian, Askalafo bi pertsonaia ezberdinen izena da:
Askalafo, Akeronteren semea
Lehena, Akeronte ozeanida eta Hadeseko ibaiaren semea zen. Bere amaren izena aldatu egiten da egilearen arabera. Honela, Ovidiok, Orfne izeneko lamia ktonikoaren seme egiten du, Apolodorok Gorgirarena eta Serviok, Estigia ozeanidearena.
Hades behe munduko jainkoak, Persefone bahitu zuenean, Zeusek bere amarekin egoteko askatasuna emateko agindu zion, Demeterrek, bere alaba berreskuratu ezean, lurra antzu utziko zuela promes egin baitzuen. Hadesek, baiezkoa eman zion, baina baldintza batekin: Persefonek, honek Hadesean eman zuen denboran, ez zuen ezer jan behar izan, hilen janaria probatzen zuenak, ezin baitzuen bizira itzuli. Persefone, bere amaren ondora itzultzeko prestatzen ari zen, Askalafok, Persefone mingrana zati bat jaten ikusi zuela adierazi zuenean, eta, beraz, Persefone bere senarraren ondoan geratu behar izan zen. Azkenean, Demeterren kexu eta mehatxuen ondoren, Zeusek, Persefonek urtearen heren bat (negua) Hadesean pasa beharko zuela adierazi zuen. Beste egile batzuen arabera, urtearen erdia zen Hadesean pasa behar zuena, eta bere amarekin gainontzeko guztia (udaberria eta uda, greziarrek hiru urtaro bakarrik zenbatzen baitzituzten).
Esan zuenarentzako zigor bezala Demeterrek, Askalafo harri handi baten azpian sartu zuen. Askalafok, bertatik, Herakles Hadeserako bisita egitera joan zenean bakarrik irten ahal izan zuen. Baina, orduan, Demeterrek, belarri laburreko hontz batean bihurtu zuen, ordutik, iluntasunean zaintzen aritzen den animalia. Ovidioren arabera, Persefone bera izan zen Askalafo hontz batean bihurtu zuena, Flegetonte ibaiko urarekin zipriztinduz.
Elezahar honek, beranduagoko Askalaboren aldaera bat dirudi, Demeterrek musker bihurtu zuena, berataz trufatzeagatik. Nahasketa, grezieraz, hontza eta muskerra adierazten dituzten hitzen antzekotasunagatik etorriko litzateke.
Askalafo, Aresen semea
Askalafo izeneko bigarren pertsonaia, Ares jainkoa eta Astioke (edo Liko eta Pernisena, Higinioren arabera) semea zen, argonauten espedizioan parte hartu zuena. Helenaren ezkongaietako bat izan zen, eta, gainontzekoek bezala, aukeratzen zuen senarrari laguntzera zin egin zuen, honek hala beharko balu. Honegatik, Parisek Helena bahitu zuenean, Askalafok, hogeitamar ontzirekin, Orkomenoen armada gidatu zuen Troiaren aurkako gerran. Deifoboren esku hil izanak, Aresen amorrua sorrarazi zuen, haserre bizian, gerran modu aktiboagoan parte hartzea saiatu zena.
Beste tradizio batek, Askalafo, Troiako Gerratik bizirik irten zela dio, eta Samareara bidaiatu zuela, non bere aitak lurperatu zuen.
Kanpo estekak
| Autoritate kontrola |
|
|---|
Datuak: Q28064496
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
