Automotores Orletti
| Automotores Orletti | |
|---|---|
| Kondor operazioa | |
 | |
| Kokapena | |
| Estatu burujabe |  Argentina |
| Argentinako hiri | Buenos Aires |
| Commune of Buenos Aires | Comuna 10 |
| Buenos Aires hiriko auzo | Floresta (Buenos Aires) |
| Koordenatuak | 34°37′52″S 58°28′40″W / 34.6311°S 58.4778°W |
 | |
| Historia eta erabilera | |
| Erabilera | clandestine center of detention and torture (en)  |
| Ondarea | |
| Kontaktua | |
| Helbidea | General Venancio Flores 3519 |
Automotores Orletti Kondor operazioan militar kolpistek baliatutako zentro mekaniko bat izan zen, Buenos Airesen. Tokia, Condor operaziorako koordinazio zentro ez ezik, oposizioko pertsonen tortura eta hilketarako zentro garrantzitsu bat bihurtu zen, bertako giza eskubideen elkarteek erakutsi eta hainbat epaiketatan agerian geratu denez.
Torturatu eta desagerrarazi
Lekuaren erabilera hori 1976tik 1983ra izan zen indarrean, eta 200 pertsona tortura zituzten bertan.[1] Hala ere, 1976ko azarotik torturarako erabiltzeari utzi zioten, biktima batek ihes egitea lortu zuenean.[2]
1976an, Argentinan militarrek estatu-kolpea eman bezain laster, toki hau erabiltzen hasi ziren. Victor Visuarak Eduardo Ruffo agenteari agindu zion 'kobazulo' bat aurkitzeko, eta garaje hau ezin egokiagoa zen. Orduan, Argentina, Uruguai, Txile, Bolivia, Paraguai eta Kubako biktimak eramaten hasi ziren, herri haietako torturatzaileen esku uzteko. Guztira, bahitutako 300 pertsona pasa ziren bertatik, horietatik gehienak desagerraraziak.[2]Egun, hildako horien omenezko museo bat da,[1] izuaren ikur bilakatutako sinbolismo handiko tokia.[2]
Epaiketa
Automotores Orlettin gertatutako izugarrikerien epaiketa sonatuena 2011n egin zen, biktimen senitartekoen presentziaz eta giro hunkigarrian gertatu ere. Bertan, Eduardo Cabanillas bizi guztirako kartzela zigorra jaso zuen, hilketengatik kondenatutako bakarra eta Automotores Orlettiko arduradun nagusia. Bere agindupean torturatzaile jardun zuten Honorio Martinez Ruiz, Eduardo Alfredo Ruffo, Raul Guglielminetti eta Anibal Gordon: azkenak izan ezik, hilda baitago, 25 urte banako kartzela zigorra jaso zuten. Maiatzeko Plazako Amek poz handiz hartu zituzten epaiak.[1]
Oroimenerako gune
2003, Argentinako Uruguaiarren Giza Eskubideen Batzordeak legegintzarako kanpaina bat hasi zuen Automotores Orletti dagoen tokia desjabetzeko eta, 2009ko martxoaren 23an, Buenos Airesko udalak tokiaren jabetza eskuratu zuen. 2009an bertan ekin zioten toki hori ikerketarako eta informazioa gorde eta kudeatzeko gune bihurtzeari, baina 2014ko ekainean aurrerapauso bat gehiago eman zuten, eta talde bat bisita gidatuak, tailerrak, eztabaidak eta film-emanaldiak egiten hasi zen. Harrezkero, Oroimenerako Espazio ere bihurtu zen 2015ean, oroimena aldarrikatzeko modu gisa.[2]
Erreferentziak
- ↑ a b c Mujika, Amagoia. «Orlettiren amarruan» Berria (kontsulta data: 2017-08-26).
- ↑ a b c d Automotores Orletti: Memories of the Argentine dictatorship -. 2015-01-11 (kontsulta data: 2017-08-26).
Ikus, gainera
- Oroimen, Egia eta Justiziarako prozesuak
- 1973ko Txileko estatu kolpea
- Jorge Rafael Videla
- Estatu terrorismoa
Kanpo estekak
Desaparecidos en Argentina - Centros Clandestinos de Detención:Automotores Orletti. (kontsulta data: 2017-08-26).
| Autoritate kontrola |
|
|---|
Datuak: Q5712505
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
