Bagabiltza
| Bagabiltza | |
|---|---|
 | |
| Datuak | |
| Mota | bazkuna |
| Jarduera sektorea | hezkuntza |
| Herrialdea | Espainia |
| Agintea | |
| Egoitza nagusi | |
| Legezko forma | fundazio |
| Historia | |
| Sorrera | 1988 |
| webgune ofiziala | |
Bagabiltza elkartea 1988an sortu zen Bilbon, emakumeen berdintasuna eta eskubideak lortzearen alde lan egiten du.
Emakumeen bizi-egoera hobetzen laguntzeko asmoz, eskaintza zabala ematen dute emakume bakoitzaren arabera erabili ahal izateko: ahalduntze-tailerrak, kultura-tailerrak, harreman-espazioak.prestakuntza arautua, lanbide ziurtagiriak... Giza-eskubideak eta eskubide sozialak, ekonomikoak eta kulturalak osorik bete daitezen lan egiten du, emakumeen behar eta interes praktikoen nahiz estrategikoen alde eginez.
Ibilbidea
Otxarkoaga eta Santutxuko Emakumeen Promoziorako Zentrotik irtendako hamabost emakumek (Satur Abon zen horietako bat) emakumeen laneratzea bultzatzeko prestakuntza profesionaleko zentro bat sortzea beharrezkoa zela ikusi zuten. Horrela, Eusko Jaurlaritzako Hezkuntza Sailaren eta Bilboko Udalaren laguntzarekin hezkuntza programak ematen hasi ziren 110 ikasleekin.[1][2]
2006-2007 ikasturtean zehar, elkarteak Emakunde saria jaso zuenean, 22.000 emakume baino gehiagok parte hartzen zuten Bagabiltzak antolatutako programetan.[3]
1995ean UNESCOren proiektu berritzaile gisa izendatu zuten eta urte bat geroago Bizkaiko Foru Aldundiaren Utopia saria jaso zuten.
2017an Bagabiltzak hiru egoitza zeuzkan: Bilbon, Sestaon eta Barakaldon. Heziketa arloan, prestakuntza arautua eta ez arautua eskaintzen zituen. Gainera, bitartekaritza lanak eta bidaia kulturalak ere antolatzen zituen. Guztira, 22.000tik gora pertsonak —emakumeak ziren ia guztiak— parte hartzen zuten.[1] Hainbat sare sortzea lortu zuten zenbait erakunde eta entitaterekin, hala nola, Eusko Jaurlaritzarekin, Bizkaiko Foru Aldundiarekin, Bizkaiko 38 udalerri eta mankomunitate batekin, baita Gipuzkoako udalerri batekin ere. Horrekin batera, sareak sortu zituen finantza entitateekin eta unibertsitateekin, (Euskal Herriko Unibertsitatearekin eta Bartzelonako Unibertsitatearekin, besteak beste)
Adibideak
Bi hauek izan daitezke Bagabiltzara hurbiltzen diren emakume tipikoen adibideak:[4]
- Maitek 45 urte eta seme alabak zituen, bananduta zegoen eta ikasketarik gabe. Bere buruarengan eta bere aukeretan konfiantza handirik ez zuen. Bagabiltza-ra hurbildu zen eta ziurtagiri profesional bat lortzeko ikastaro bat egin zuen. Aldi berean autoestimua lantzen joan zen. Harremanak izateko eta gauza berriak egiten ausartzeko lekua aurkitu zuen, eta geroago pozik dago bere lanarekin.
- Begoña 65 urterekin jubilatuta zegoen, alarguna eta zer eginik gabe oso galduta zegoen. Bagabiltza-ra hurbilduta tailerretan parte hartzen hasi zen, bidaietan eta bilguneetan ere bai. Geroago berarentzat egiten ditu gauzak tailerretan, lagun talde bat du eta, batez ere, bere bizitzako gauza batzuk aldatzen ere ausartu da, lehen gustuko ez zituenak.
Sariak eta aitortzak
- 1995: Unescoren Proiektu Berritzaile izendatu zuten Bagabiltza
- 1996: Bizkaiko Foru Aldundiaren Utopia Saria jaso zuen.
- 2007: Emakunde Saria [5]
| « | Satur Abonek sormena sustatzen zuen, egiten zituen jardueretan ohikoa ez zen gaitasunarekin. Harekin konturatzen zinen munduan gauza asko daudela egiteko. Saturren sormen-merituak asko dira: merezimendu solidarioak eta behartsuenentzako laguntzak, ordainezinak. Duela pare bat urte, Bilboko Udalak omenaldia egin zion lan solidarioan egindako ahalegin handiagatik. | » |
Erreferentziak
- ↑ a b «Satur Abon, Bagabiltzaren arima eta irribarrea» andra.eus 2019-04-02 (kontsulta data: 2024-04-15).[Betiko hautsitako esteka]
- ↑ a b (Gaztelaniaz) Mendibil, Gontzal. (2017-08-25). «Fallece la activista social Satur Abon: «Agur, maja»» El Correo (kontsulta data: 2024-04-15).
- ↑ «Emakunde saria» www.emakunde.euskadi.eus 2019-01-22 (kontsulta data: 2024-04-15).
- ↑ Barona Trapote, Yolanda; Isasi Irabien, Eva. (2024). Gure misioa – Bagabiltza. (kontsulta data: 2024-04-29).
- ↑ «Emakunde saria» www.emakunde.euskadi.eus 2019-01-22 (kontsulta data: 2024-04-15).
Ikus, gainera
Kanpo estekak
- Bagabiltza webgune ofiziala
| Autoritate kontrola |
|
|---|
Datuak: Q125694534
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
