Cabrera
| Cabrera | |
|---|---|
| II. maila: parke nazionala | |
 | |
| Datu orokorrak | |
| Mendirik altuena | Na Picamosques (en)  |
| Mota | uhartea |
| Luzera | 5,53 km |
| Zabalera | 5,29 km |
| Azalera | 15,69 km² |
| Geografia | |
 | |
| Koordenatuak | 39°08′31″N 2°56′45″E / 39.14194°N 2.94583°E |
| Honen parte da | Espainia |
| Estatu burujabe |  Espainia |
| Autonomia |  Balearrak |
| Hiria | Palma Mallorcakoa |
| Babestutako-eremua | Cabrera Uhartediko parke nazionala |
| Ur-gorputza | Mediterraneoa |
Cabrera[1] uhartea Balear Uharteetan populatuta ez dagoen uharterik handiena da, eta Cabrerako uhartediko uharterik handiena. Mallorcatik hegoaldera kokatua dago. Espainiako natura-parke nazionala da 1991tik.
Cabrerako natura-parkea
Espainiako parke nazionala da, Balear Uharteetako Autonomia Erkidegoko Cabrera uhartedian kokatua. Itsasokoa eta lehorrekoa da, era horretako bakarra. 1991n sortu zen, eta 10.021 hektareako eremua du; haietatik 1.836 lehorrean daude, Cabrerako uhartediko Cabrera, Conills, Plana, Redonda eta Forada uharteetan. Baina itsas faunaren aberastasunak ematen dio garrantzia eremuari.
Natura-ingurunea
Klima eta landaredia mediterraneoak ditu. Aleppo pinuzko basoak baldin baditu ere, basolibondoz eta sastraka xerofiloz osatutako makia da nagusi. Faunari dagokionez, hegaztiak dira ugarienak, eta 150 mota inguru daude sailkaturik: ubarroiak, arrano arrantzalea, Eleonor belatza, belatz handia, belatz gorria, txinboa eta Audouinen antxeta, besteak beste. Bertakoa da, bestalde, sugandila beltza ere, inguru hartako lehorreko animalia ugariena.
Itsasoaren hondoan ura oso gardena da, eta posidoniazko larreak eta koral-harriak ikus daitezke. Faunari dagokionez, izurdeak, zereak, kaxaloteak, dortokak (morea, berdea eta laut dortoka) eta 200etik gora arrain eta oskoldun dago bertan.
Historia
Gorabehera handiak izan ditu gaur egun parkea denak bere historian zehar. Bertako uretan hondoratuta dauden feniziarren, kartagotarren eta erromatarren ontziek erakusten dute oso trafiko bizia izan zuela garai batean, eta, lehorrean, XIV. mendean eraikitako gaztelu batek portu txikiaren sarrera zaintzen du. Piraten atsedenleku eta monasterio txiki baten kokagune, 1808an, Espainiako Independentzia Gerraren garaian, Bailéngo guduan preso hartutako 9.000 frantsesen presondegi izan zen. 1973-1987 bitartean Espainiako armadaren tiro-eremua izan zen, eta, azkenik, parke nazional egin zuten 1991n.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
- (Gaztelaniaz) Cabrerako Natur Parkearen webgunea
Datuak: Q52650
Multimedia: Cabrera, Balearic Islands / Q52650
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
