Captain Tsubasa
 Captain Tsubasa | |
|---|---|
| Jatorria | |
| Egilea(k) | Yōichi Takahashi (en)  |
| Izenburua | キャプテン翼 |
| Jatorrizko herrialdea | Japonia |
| Ilustratzailea | Yōichi Takahashi (en) |
| Argitaletxea | Shūeisha |
| Ezaugarriak | |
| Genero artistikoa | sports manga (en) |
| Hizkuntza | japoniera |
| Zatiak | 37 liburuki |
| Emanaldia | |
| Hasiera-data | 1981eko apirilaren 13a |
| Amaiera-data | 1988ko maiatzaren 9a |
| Fikzioa | |
ikusi
| |
| Argumentu nagusia | kirola, middle school student (en) , Bigarren Hezkuntzako ikaslea eta elementary school student (en) |
   | |
Captain Tsubasa (japonieraz: キャプテン翼, Hepburn: Kyaputen Tsubasa)- Espainian Campeones: Oliver y Benji eta Frantzian Olive et Tom ere deitua- Yōichi Takahashik 1981ean idatzi eta ilustratutako manga sail bat da. Anime serierako egokitzapen bat manga merkaturatu eta bi urtera garatu zuten, nazioartean arrakasta handia izan zuena. Hasiera batean, 1983 eta 1986 artean eman zuen TV Tokyok, Isamu Imakakakek zuzendaria izanda.[1] Hurrengo hamarkadetan, telebistarako telesail laburrak egin zituzten, baina ez zuten lehen egokitzapenaren eragin bera lortu.
Mangak futbola du gai nagusi, Tsubasa Ōzora eta bere lagunen abentura ausartak kontatuz, haurtzarotik hasi eta profesionalak izan eta Japoniako selekzio nazionaleko kide izatera iritsi arte. Tsubasak bere lagunekin duen harremana, aurkariekiko lehia, entrenamenduak, lehiaketa eta jokatzen diren partidu bakoitzeko gertaerak ere aztertzen ditu. Protagonista Musashi Mizushimaren ibilbidean oinarrituta dago[2], baina badaude Kazuyoshi Miurarekin alderatzen dutenak.[3]
Sinopsia
Tsubasa Ōzora 11 urteko lehen hezkuntzako ikaslea da, futbolean aritzea maite du eta egunen batean Japoniarekin Munduko Futbol Txapelketa irabaztea du amets.
Amarekin bizi da Japonian, eta aita, berriz, mundu osoan zehar bidaiatzen duen itsasontzi-kapitaina da. Tsubasa "zerutik bidalitako futbolaren semea" bezala ezagutzen da. Urtebete besterik ez zuenean, pilota batekin jolasten ari zela autobus batek ia harrapatu zuen. Hala ere, Tsubasak baloiari bere aurrean eutsi zion, eta horrek kolpearen indarra moteltzeko balio izan zuen. Kolpearen indarrak hegan eginarazi zuen, baina baloiarekin zuzendu ahal izan zen. Hortik dator Tsubasaren leloa: "Baloia nire laguna da".
Istorioaren hasieran, Tsubasa eta bere ama Nankatsu hirira joango dira bizitzera. Shizuoka prefekturako fikziozko hiri bat da, lehen hezkuntzako bere futbol talde talentudunengatik ezaguna. Bertan, Tsubasak Ryo Ishizaki ezagutuko du, futbola maite duen ikasle gaztea, sarritan amaren etxetik eta futbolean aritzeko etxeko lanetatik eskapatzen dena. Sanae Nakazawa, futbola ere maite duen eta Nankatsuko bigarren hezkuntzako taldea animatzen laguntzen duen neska sutsua, eta Genzo Wakabayashi, talentu handiko atezain gaztea, ezagutuko ditu. Roberto Hongô ere ezagutuko du, munduko futbolari brasildar onenetako bat. Tsubasaren aitaren laguna da eta Tsubasa eta bere amarekin bizitzen hasten da Tsubasa entrenatu ahal izateko. Roberto Tsubasaren mentore bihurtzen da, eta bere futbol-trebetasunak aprobetxatzen laguntzen dio, Nankatsu lehen mailako eskolarekin eta lehen mailako eskolako bere futbol-talde hasiberriarekin bat egiten duela sinetsita. Ondoren, Robertok futbol-taldea entrenatuko du, Tsubasari bere teknikak transmititzen dizkion bitartean.
Manga
Yōichi Takahashiren Captain Tsubasa saila hainbat mangaz osaturik dago:
- Captain Tsubasa (japonieraz: キャプテン翼, Hepburn: Kyaputen Tsubasa) (1981-88), 37 tankōbon liburuki.
- Captain Tsubasa: World Youth (japonieraz: キャプテン翼 ワールドユース編, Hepburn: Kyaputen Tsubasa Wārudo Yūsu-hen) (1994-97), 18 tankōbon liburuki.
- Captain Tsubasa: Road to 2002 (2001-04), 15 tankōbon liburuki.
- Captain Tsubasa: Golden-23 (2005-08), 12 tankōbon liburuki.
- Captain Tsubasa: Kaigai Gekitō-hen
- In Calcio (2009-2010), 2 tankōbon liburuki.
- En La Liga (2010-12), 6 tankōbon liburuki.
- Captain Tsubasa: Rising Sun (2014-2024), 20 tankōbon liburuki.
Erreferentziak
- ↑ (Ingelesez) «Captain Tsubasa Soccer Manga Gets New TV Anime in April» Anime News Network 2017-12-12.
- ↑ (Gaztelaniaz) «Captain Tsubasa Gekitō no Kiseki ● Entrevista con Yōichi Takahashi 10-02-2010, sub. esp. - YouTube» www.youtube.com.
- ↑ (Frantsesez) «« Olive et Tom », le dessin animé culte sur le foot est de retour» Le Monde 2018/04/02.
Kanpo estekak
| Autoritate kontrola |
|
|---|
Datuak: Q647486
Multimedia: Captain Tsubasa / Q647486
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
