Castries
| Castries Castries | ||
|---|---|---|
| hiria | ||
 | ||
| ||
| Administrazioa | ||
| Herrialdea |  Santa Luzia | |
| Quarter (auzoa) | Castries | |
| Izen ofiziala | City of Castries | |
| Jatorrizko izena | Castries | |
| Geografia | ||
| Koordenatuak | 14°00′39″N 60°59′22″W / 14.0108°N 60.9894°W | |
 | ||
 | ||
| Azalera | 79 km² | |
| Altitudea | 2 | |
| Demografia | ||
| Biztanleria | 20.000 (2025) | |
| Metropolia | 70,000 | |
| Dentsitatea | 253 bizt/km² | |
| Informazio gehigarria | ||
| Sorrera | 1650 | |
| Ordu eremua | UTC−04:00 eta America/St_Lucia (en)  | |
| Hiri senidetuak | Taipei | |
| http://castriescitycouncil.org/index.htm | ||
Castries[1] (ˈkæstriːz ahoskatua) Santa Luziako hiriburua da. 10.634 biztanle ditu, inguruan dauden herriak batuz 37.963. Izen bereko auzoaren[2] hiriburua da. Quarter edo auzoak 61.341 biztanle ditu guztira, 79 kilometro koadrotan. Uhartearen ipar-mendebaldeko kostaldean, estatu honetako bizitza bertan kontzentratzen da.
Hiriaren goiburua Statio Haud Malefida Carinis ("Itsasontzientzako portu segurua") da[3].
Historia
Karibear herriaren lurrak, hiria frantsesek sortu zuten 1650ean; orduan Carénage ("ainguraleku segurua") izena ipini zioten baina 1756an izena aldatu zioten Charles Eugène Gabriel de la Croix, Càstiasko markesaren omenez. Okzitaniako herri hori Castries deitzen da frantsesez eta aipatu pertsonaia Frantziako Itsas Armada ministroa izan zen.
1651n Vigien sortutako lehen gunea 1780an utzi zuten, urakan izugarri batek jota.
Uhartea 1814an geratu zen Erresuma Batuaren eskuetan; 1803tik 1844ra britainiarrek itsas armadarako portu garrantzitsua egin zuten eta gotorlekuak eraiki zituzten Morne Fortunen, portuaren gainean dagoen mendian alegia. 1844rako Castriesek 4.000 bat biztanle zituen.
Bigarren Mundu Gerran alemaniar urpekontzi batek aliatuen bi itsasontzi urperatu zituen.
Ezaugarriak
Hiria gaur egun polder edo itsasoari irabazitako lur batzuen gainean garatzen ari da. Plano hipodamikoa du. Suteen ondorioz hiru aldiz (1796, 1813, 1948) berreraiki behar izan den hiria da.
Hiriburua izanik gobernuaren bulegoak daude, baita Santa Luziako postetxe nagusia ere. Uharteko merkataritza mugimendu gune gakoa da eta nazioarte mailakoa ere hartzen du. Erlijio aldetik artzapezpiku katoliko baten egoitza da[4].
Eskualde mailako instituzio batzuen egoitza da: Ekialdeko Karibeko Estatuen Erakundearen[5] idazkaritza eta honek eratu duen Ekialdeko Karibeko Epaitegi Gorena[6].
Garraiobideak
- Bere portua uharteko nagusia da eta Antilletako inportanteenetakoa. Merkantziak garraiatzeko edota ferry eta gurutzonztiak jasotzeko prestatuta dago.
- Autobus eta taxi zerbitzu ona dago.
- Hiriaren iparraldean dagoen aireportua (George F. L. Charles edo Vigie Airport, ondoan duen hondartza batengatik) ez da uharteko nagusia eta Karibe aldeko hegalaldietara mugatzen da. Nazioartekoak Santa Luziako hegoaldean dagoen Hewanorra aireportuan dute abiapuntua.
Castriestar ezagunak
- Derek Walcott (1930 -) Literaturako Nobel Saria 1992an. Columbus Square zenak orain Derek Walcott Square du izena.
Herri eta hiri senidetuak
Castries ondorengo herri eta hiriekin senidetuta dago:
Ikus, gainera
Erreferentziak
- ↑ Euskaltzaindia. 38. araua: Munduko estatu-izenak, herritarren izenak, hizkuntza ofizialak eta hiriburuak. .
- ↑ Ingelesez quarter, estatu honetako banaketa administratibo nagusia da.
- ↑ https://web.archive.org/web/20090928033556/http://castriescitycouncil.org/history.htm
- ↑ Santa Luziaz gain artzapezpiku honek Dominika, Grenada, Saint Vincent eta Grenadinak, Saint Kitts eta Nevis, Montserrat, Angila eta Birjina britainiar uharteak ere hartzen ditu bere baitan.
- ↑ Ingelesez Organisation of Eastern Caribbean States (OECS).
- ↑ Ingelesez Eastern Caribbean Supreme Court (EACS)
- ↑ (Ingelesez) Taipei City Council. (kontsulta data: 2018-07-28).
Kanpo estekak
- (Ingelesez) Udalerriko webgunea.
- (Ingelesez) Hiriko planoa[Betiko hautsitako esteka] Caribbean-on-line.comen.
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
