Ceesepe
| Ceesepe | |
|---|---|
 | |
| Bizitza | |
| Jaiotzako izen-deiturak | Carlos Sánchez Pérez |
| Jaiotza | Madril, 1958ko maiatzaren 31 |
| Herrialdea |  Espainia |
| Heriotza | Madril, 2018ko irailaren 7a (60 urte) |
| Heriotza modua | berezko heriotza: minbizia |
| Hezkuntza | |
| Hizkuntzak | gaztelania |
| Jarduerak | |
| Jarduerak | margolaria, komikigilea eta marrazkilaria |
| Lantokia(k) | Madril eta Paris |
| Jasotako sariak | ikusi
|
| Izengoitia(k) | Ceesepe |
| ceesepe.net | |
    | |
Carlos Sánchez Pérez, arte munduan Ceesepe bezala ezaguna, (Madril, 1958ko maiatzaren 7a - Ibidem, 2018ko irailaren 7a), margolari, marrazkilari, komikigile espainiarra. Haren estiloa pop art barruan koka daiteke. La movida madrileña mugimenduaren artista ezaguna izan zen.
Izengoitia
Ceesepe izena berez akronimo bat zen: Carlos: ce, Sánchez: ese, Pérez: pe = "Ceesepe".
Biografia
Carlos Sánchez Pérez Madrilen jaio zen, 1958an. Underground komiki munduan hasi zen 70. hamarkadan; urte horietan Max, Nazario eta Javier Mariscal ezagutu zituen eta haiekin Bartzelonan lan egin zuen. Slober saila Star eta Bésame mucho aldizkarietan argitaratu zuen. Garai horren lan ezagunetariko bat Pedro Almodóvar zuzendariaren Pepi, Luci, Bom y otras chicas del montón (1980) lehen luzemetraiaren kartela izan zen. Geroago ere, 1987an, Almodovarren La ley del deseo filmaren kartela ere egin zuen.
Ceeseperen lehenengo bakarkako erakusketa 1979an antolatu zen, Madrilgo Buades galerian. 1982an Menéndez Pelayo Unibertsitateak haren obraren erakusketa antolatu zuen bestetik. 1984ko ARCO erakusketan gehien saldu zuenetariko egilea izan zen. Madrilgo Udalak plazaratu zuen Madriz aldizkarian lanean hasi zen; hedabide honetan Blas Piñar, Franco, Marx, Mao eta beste politikarien aurkako lanak plazaratu zituen. Ondorioz, Alianza Popular eskuineko alderdiak, egungo Partido Popular alderdiaren aurrerakaria, aldizkariaren eta egilearen aurkako kritika gogorrak zabaldu zituen.[1]
Komikiaren mundua utzita, margolaritzari ekin zion buru-belarri. Herrialde askotan egin ditu erakusketak: Amsterdam, Paris, Angouleme, Ginebra, Bali, New York, Madril. Azken urtetan Rolling Stone edizio espainarraren azalak diseinatu ditu. 2011ko apirilean Espainiako Ministroen Kontseiluak Arte Ederren Meritoari Urrezko Domina eman zion. [2]
60 urte zituelarik, 2018an, leuzemiaz hil zen.[3]
Estiloa
Ceesepe berezko estiloa garatu zuen. Modu batez bere obra eragin askoren ondorioa izan zen, batez ere Peter Phillips eta Peter Blake egilearena. Baina bere lanetan ere Toulouse-Lautrec, Amedeo Modigliani eta Marc Chagallen eraginak ikus daitezke.
Publikazioak
- Dibujos (1982)
- Barcelona By Night (1982)
- París-Madrid (1985)
- El difícil arte de mentir (1986)
- Libro blanco (1990)
- Ars morundi (1990)
Erreferentziak
- ↑ .
- ↑ https://web.archive.org/web/20110410225620/http://www.la-moncloa.es/ConsejodeMinistros/Referencias/_2011/refc20110408.htm#MedallasOro Ministro Kontseikuaren erabakia.
- ↑ .
Kanpo estekak
- (Gaztelaniaz): Ceeseperen webgune ofiziala.
- (Gaztelaniaz): PicassoMio Galleryan biografia eta lanak.
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
