Chadia Arab

Chadia Arab
Irudi gehiago
Bizitza
Jaiotza	Angers, 1977 (48/49 urte)
Herrialdea	Frantzia  Maroko
Hezkuntza
Heziketa	University of Angers (en) Poitiersko Unibertsitatea
Tesi zuzendaria	Emmanuel Ma Mung (en) Christian Pihet (en)
Hizkuntzak	frantsesa amazigera arabiera
Jarduerak
Jarduerak	geografoa
Enplegatzailea(k)	CNRS

Chadia Arab (Angers, Frantzia, 1977ko uztailaren 13a) franko-marokoar geografoa da, CNRSko ikertzailea eta nazioarteko migrazioetan aditua. Bere ikerketak migrazio marokoarren Europarako eta Golkoko herrialdeetarako migrazioei buruzkoak dira.

Chadia Arab Angersen jaio zen, gurasoak 1960ko hamarkadan Frantziara joandako marokoarrak dira. Jules Verne oinarrizko eskolan ikasi zuen, Rosedan. Jean Vilar kolegiora eta Chevrollier lizeora joan zen, non batxilergo ekonomiko-soziala egin zuen. 1996an, Geografiako lizentziatura bat hasi zuen Belle-Beillen, eta Angerseko Unibertsitatean lortu zuen maisutza, "Geografia Lurralde Antolamendua" espezialitatean, 2000n.^[1] 2001ean, Ikasketa Sakonen Diploma lortu zuen Poitiersko Unibertsitatean, "Nazioarteko Migrazioak eta Etnien arteko Harremanak" espezialitatean. 2007an, Europako Aït Ayad-ei buruzko tesia defendatu zuen.^[2] CNRSko kontratazio-lehiaketan hautatua izan ondoren, Angerseko Unibertsitateko ESO (Espaces et Sociétés-Espazioak eta Gizarteak) laborategiko irakasle-ikertzailea izan zen. 2021ean lortu zuen ikerketa zuzentzeko gaitasuna. Migrations Sociétéko erredakzio-batzordeko kidea da, eta Renneseko Presses universitaires bilduma bateko zuzendarikidea.^{[3][4][4][4][5][6][4][6]}

2014tik 2020ra, Angersko Udaleko zinegotzia izan zen.^[7][8][9]

Migrazioei buruz berak egindako lana geografia sozialean kokatzen du Chadia Arabek. Biztanleriaren migrazio-fluxuak aztertzen ditu, sistema eta lurraldeen, gizarteen eta pertsonen arteko harremanak ardatz hartuta. Bere lanak nazioarteko migrazioetan zentratzen ditu, eta, bereziki, Frantzia, Espainia eta Italiako gizon eta emakume marokoarretan. 2018an, Dames de fraises, doigts de fée (Marrubi-emakumeak, iratxo-hatzak) argitaratu zuen, Espainiako hegoaldeko urte askotako ikerketa baten emaitza, non Marokoko sasoilarien bilakaera eta migrazio-sistema sexuatu baten disfuntzioen jarraipena egin zuen bertatik bertara, "jatorrietako kontratuena", marrubiak biltzearekin lotutako immigrazio klandestinoaren aurkako tresna, alegia.^[10] Kontratazio-aukeretan, emakume baztertuenak eta prekarioenak bilatzen dituzte, horrek menpekotasun-lotura sortzen duelako, behar ekonomiko hori dela eta. Horrek maneiagarritasuna, otzantasuna eta esplotagarritasuna eragiten ditu”.^{[11][4][3][12][4][13][14][15]}

Era berean, Arabiar Emirerri Batuak bezalako Golkoko herrialdeetan dauden marokoarren gainean lan egiten du, emakume marokoarrari itsatsitako prostitutaren irudia deseraikitzeko eta borrokan eta erresistentzian aritzen diren emakume kualifikatuen ibilbide sendoak agerian uzteko.^[16][17]

Covid-19 pandemiaren aurrean emakume langile horiek izan zuten zaurgarritasuna ere aztertzen du, emakume “ikusezin” horiek gainerakoek baino arrisku handiagoa izan baitzuten Covid-19a pairatzeko.^[18]

Chadia Arabek desberdinkeriak aztertzen ditu, gizarteen eta norbanakoen espazioetako azterketatik abiatuta, migrazioetan generoak duen prisma aukeratuz. Bere ikuspegi intersekzionalari esker, emakumeen zaurgarritasun hirukoitza nabarmendu zuen, euren generoari, jatorri sozialari eta nazionalitateari lotuta.^{[4][13][19][20][21]}

2009tik 2012ra, IDD (Immigration, Développement et Démocratie-Immigrazioa, Garapena eta Demokrazia) sareko buru izan zen, eta Marokon garapen-proiektuak egiten parte hartu zuen. “Migrazioa, garapena, herritartasuna, demokrazia” plataforma euro-marokoarreko kidea ere bada.^[22]

Angersen, “Rosedan zahartzen ari diren etorkinen populazioak” lantaldeko kide izan zen, 2012 eta 2014 artean. Chadia Arabek, halaber, Histoire et Mémoire de l'Immigration elkartean ere parte hartu zuen, Anjoun, non hitzaldiak, eztabaida publikoak antolatu zituen, eta dokumental hau martxan jartzen lagundu zuen: C’est comme ça. Histoire d’Angevins venus d’ailleurs. 1960-1980 (Horrela da. Beste leku batzuetatik etorritako angerstarren historia. 1960-1980).^[23][24][25]

2019an, FORIM Migrazioetatik sortutako Nazioarteko Elkartasunerako Erakundeen Foroko presidenteorde bihurtu zen, zeinak 700 elkarte baino gehiago biltzen dituen (Saharaz hegoaldeko Afrikan, Magreben, hego-ekialdeko Asian, Kariben eta Indiako ozeanoan esku hartzen du); bertan, Frantzian integratzeko ekintzetan eta jatorrizko herrialdeetako garapen-ekintzetan lan egin zuen.^[26][27]

2014tik 2020ra Chadia Arab "Aimer Angers" (Anger maitatu) oposizioko alderdiko hautetsia izan zen, Christophe Béchu buru zuen udalean. Orduan, ALM (Angers Loire Métropole) hiri-komunitateko zinegotzia eta udal-zinegotzia izan zen. “Vie des quartiers” (Auzoetako bizia), “Éducation” (Hezkuntza) , “Culture” (Kultura) eta “Développement économique, enseignement supérieur et recherche” (Garapen ekonomikoa, goi-mailako irakaskuntza eta ikerketa) batzordeetako kidea ere izan zen.^[28]

• Chadia ARAB (2018) Dames de fraises, doigts de fée: les invisibles de la migration saisonnière marocaine en Espagne, Casablanca, Édition En toutes Lettres, 187 or.
  • traduit en espagnol et en italien^[16].
• Chadia ARAB (2009) Les Aït Ayad: la circulation migratoire des marocains entre la France, l’Espagne et l’Italie, Presses universitaires de Rennes, 351 or.

• Arab, Chadia; Moujoud, Nasima. (2018). «Le stigmate de « Marocaine » à Dubaï» Migrations Société N° 173 (3): 99.  doi:10.3917/migra.173.0099. ISSN 0995-7367..
• Arab, Chadia; Gouyon, Marien; Moujoud, Nasima. (2018). «Migrations et enjeux migratoires au prisme des sexualités et du genre» Migrations Société N° 173 (3): 15.  doi:10.3917/migra.173.0015. ISSN 0995-7367..
• Arab, Chadia. (2014). «Parcours et nouvelles routes migratoires en Méditerranée : le cas des migrations marocaines» Maghreb - Machrek 220 (2): 75.  doi:10.3917/machr.220.0075. ISSN 1762-3162..

• Camille Schmoll
• Parvati Raghuram