Charles Fefferman
Charles Louis Fefferman (Washington Hiri, 1949ko apirilaren 18a) estatubatuar matematikaria da.
Bizitza
Fefferman txikitatik izan zen matematikazalea, eta orobat oso argia: hamabi urterekin, kalkulua menderatzen zuen. Marylandeko Unibertsitatean sartu zen oso gazte zela eta, 1966an, hamazazpi urterekin, graduatu zen. Princetongo Unibertsitatean, Elias Steinen zuzendaritzapean, lanean jarraitu zuen, eta 1969an aurkeztu zuen Inequalities for Strongly Regular Convolution Operators izeneko tesia. Princetongo Unibertsitatean eman zituen eskolak 1969-70 urteetan. Chicagoko Unibertsitatera joan zen 1970ean, eta irakasle egin zuten urtebete geroago: era horretan, Estatu Batuetan inoiz izandako irakaslerik gazteena bilakatu zen. 1973an, Princetonera itzuli zen.
Feffermanek ekarpen ugari egin ditu dimentsio askoko analisi konplexuan. Beste arlo asko ere landu ditu: ekuazio partzial diferentzialak, Fourierren analisia, konbergentzia partikularra, biderkatzaileak, dibergentzia, ezohiko integralak eta Hardy espazioak. Lan horrengatik guztiagatik, Fields domina jaso zuen 1978ko Helsinkiko Matematikarien Nazioarteko Kongresuan. 1992an, Bergman saria jaso zuen. Feffermanek oso ekarpen garrantzitsuak egin ditu Bergmanen nukleoaren ikerketan. Gaur egun, Princetongo Unibertsitateko matematika-irakaslea da.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
| Autoritate kontrola |
|
|---|
Datuak: Q284129
Multimedia: Charles Fefferman / Q284129
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
