Daniela Fejerman

Daniela Fejerman
(2012)
Bizitza
Jaiotza	Buenos Aires, 1964 (60/61 urte)
Herrialdea	Argentina
Hezkuntza
Hizkuntzak	gaztelania
Jarduerak
Jarduerak	aktorea, film-zuzendaria eta gidoilaria

Daniela Fejerman (Buenos Aires, Argentina, 1964) Argentinako zinema zuzendari eta gidoilaria da.^[1][2][3] Psikologian lizentziaduna ere bada.

Antzerkian hasi zen lanean, hainbat sari eskuratuz idazle gazte zein telebistako gidoilari bezala.^[4]

Zineman, 2000. urtean Patricia Ferreirak zuzendutako Se quien eres filmaren gidoia idatzi zuen. 1997an eta 1999an bi film labur kozuzendu zituen Ines Parisekin: A mí quién me manda meterme en esto^[5] eta Vamos a dejarlo^[6]. Bere lehen film luzea, A mi madre le gustan las mujeres^[7], Parisekin batera zuzendua, 2002an estreinatu zen. Film hau hiru Goya saritarako izendatua izan zen, tartean zuzendaritza berri onenaren saria.^[8] 2005ean estreinatu zen bere bigarren film luzea, Semen, una historia de amor^[9], hori ere Parisekin batera zuzendua. 2009an estreinatu zuen bakarrik egindako lehen filma: 7 minutos.^[10] 2015ean, La adopción^[11] pelikula aurkeztu zuen, bikote batek Europako ekialdeko herrialde batean pasatzen duen adopzio prozesu gogor eta korapilatsuan oinarritutako filma.^[12] Pelikula honek harrera ona izan zuen publiko zein kritikaren aldetik, besteak beste, FIC-CAT Kataluniako Nazioarteko Zinema Jaialdian zuzendaritza onenaren saria irabazi zuen^[13], Toulousen (Cinespaña) aktore onenaren saria jaso zuen^[14], Kataluniako Akademiaren 4 Gaudí sarietarako izendatu zuten^[15], kritikaren eta ekoizle espainiarren sariak lortu zituen eta nazioarteko hainbat jaialditan parte hartu zuen (Seattle, Mánchester, Gallway, Calcuta, El Cairo).

2017an, berak idatzi eta zuzendutako Gente estúpida antzezlana estreinatu zuen.^[16]

• 1997: A mí quién me manda meterme en esto, zuzendaria eta gidoilaria Ines Parisekin batera.^[17]
• 1999: Vamos a dejarlo, zuzendari eta gidoilari Ines Parisekin batera.^[18]
• 2000: Sé quién eres, gidoilaria.^[19]
• 2002: A mi madre le gustan las mujeres, zuzendaria eta gidoilaria Ines Parisekin batera.^[20]
• 2005: Semen, una historia de amor, zuzendaria eta gidoilaria Ines Parisekin batera.^[21]
• 2009: 7 minutos , Zuzendaria eta gidoilaria Ángeles González-Sinderekin batera.^[22]
• 2015: La adopción.^[23]
• 2022: Mamá no enRedes. ^[24]

• 2016: Zuzendari onena FIC-CAT, Festival Internacional de cine en Catalán, La adopción filmagatik
• 2015: Urrezko Galburua 60.Valladolideko Zinema Astea. La adopción filmagatik
• 2005: Urrezko Binazga Malagako Jaialdian Ines Parisekin batera, Semen, una historia de amor filmagatik.
• 2004: Urrezko Binazga Malagako Zinemaldian Film Onena, La mirada violeta filmagatik.
• 2003: Dublingo Gay eta Lesbiko Zinema Jaialdiaren Publikoaren Saria, Ines Parisekin batera, A mi madre le gusta las mujeres filmagatik.
• 2002: Miamiko Zinema Latinoaren Jaialdi Publikoaren Saria Ines Parisekin batera, A mi madre le gusta las mujeresfilmagatik.
• 2002: Murtziako Zinema Espainiarraren Asteko Gidoi Onenaren Saria, Ines Parisekin batera, A mi madre le gusta las mujeres filmagatik.
• 2002: Torinoko Gay eta Lesbiko Nazioarteko Zinema Jaialdiko Film Onenaren Saria Ines Parisekin batera, A mi madre le gusta las mujeres filmagatik.
• 2002: Turiako Zuzendari Onenaren Saria Ines Parisekin batera, A mi madre le gusta las mujeres filmagatik.
• 2002: Film onenaren Rosebud Saria Verzauberteko Gay eta Lesbiko Nazioarteko Zinema Jaialdian, Ines Parisekin batera, A mi madre le gusta las mujeres filmagatik.
• 1998: Peñiscolako Komedia Zinemaldiko Film labur Onenaren Saria, Ines Parisekin batera, A mi quién me manda meterme en esto filmagatik.

• "7 minutos" bere film berriaren webgune ofiziala
• 2005eko uztaileko elkarrizketa
• "7 minutos" bere film berria filmaketaren bloga
• Daniela Fejermani buruzko informazioa Interneten Movie DataBase