EMUN
| EMUN | |
|---|---|
 | |
| Datuak | |
| Mota | enpresa |
| Jarduera sektorea | aholkularitza, hizkuntzaren industria eta genero-berdintasuna |
| Herrialdea | Espainia |
| Erabilitako hizkuntza | euskara |
| Agintea | |
| Egoitza nagusi | |
| Legezko forma | kooperatiba |
| Historia | |
| Sorrera | 1997 |
webgune ofiziala     | |
EMUN kooperatiba gai sozialak kudeatzeko aholkularitza eta lankidetza eskaintzen dituen enpresa da. 1997an sortu zen Arrasaten (Gipuzkoa) lan mundua euskalduntzeko kooperatiba gisa, inguruko enpresetan euskararen erabilera eta presentzia normalizatzeko aholkularitza zerbitzuak eskaintzeko[1].
Sorrera
Euskalan elkartearen gerizpean sortu zen, kooperatibetan eta enpresetan euskara batzordeak sortzeko ahaleginean zebiltzan persona talde baten ekimenari esker. Sorrerako egitasmoa Mondragon Unibertsitateak (MU) Eskoriatzan (Gipuzkoa) duen Humanitate eta Hezkuntza Zientzien fakultatearen (HUHEZI) baitan eta Debagoienako euskalgintzaren testuinguruan garatu zen eta HUHEZI-rekin batera, bazkide laguntzaile gisa, Fagor Taldea bidelagun izan du hasieratik[2].
Euskara planekin industria kooperatiba erreferentzialetan hasi zuen ibilbidea eta askotariko enpresa eta erakunde publikoetara hedatu du bere sarea urteotan.
Ibilbide horretan, kudeaketa, metodologia eta berrikuntza sistema osoa antolatu eta enpresetako euskara planen zerbitzura jarri du.
Zerbitzuak
Hasierako egonkortze eta hedapen faseen ondotik, EMUNek jauzia egin zuen Debagoienatik Euskal Herrira eta euskara planetan metatutako esperientziari esker, aholkularitza zerbitzuen dibertsifikazioari ekin zion 2009 urtean, euskara planez gain zerbitzu arlo berrietan aholkularitza eskaintzen hasiz: kultura planak, aniztasun planak, parte-hartze prozesuak, berrikuntza sareak…[3]
EMUNek eraldaketa sozialean eragiteko asmoz, emunkidea eta bezeroaren arteko elkarreragina eta gainerako eragileekiko elkarlana sustatzen ditu eta gaur egun, gai sozialetako aholkularitza zerbitzu zabala eskaintzen du euskara eta berrikuntza sozialaren arloetan, besteak beste:
- Hizkuntza zerbitzuak (euskara planetako aholkularitza, itzulpengintza, euskara formazioa, hausnarketa saioak, hizkuntza portaeratan eragiteko metodologiak, TELP tailerrak...)
- Genero berdintasuneko zerbitzuak (berdintasun planak, kontziliazio planak, sentsibilizazioa...)
- Gobernantza eta partaidetza herritarraren arloko zerbitzuak (parte-hartze prozesuak, aniztasun eta harrera planak, formazioa…)
- Enpresen gizarte erantzukizunaren arloko zerbitzuak: iraunkortasun estrategiak, memoria ez finantzarioak…
- Berrikuntza sozialeko zerbitzuak: berrikuntza plataformak, ko-sorkuntza eta entzute prozesuetako zerbitzuak...
Lantaldea (emunkideak) eta bezero sarea
EMUN kooperatibak guztira 90 langile ditu (%64 emakumeak eta % 36 gizonezkoak) eta Euskal Herriko enpresa, kooperatiba, erakunde publiko, elkarte, fundazio zein askotariko erakunde pribatuz osatutako bezero sare zabalarekin lan egiten du.
Egoitzak
Lau egoitza dauzka: egoitza nagusia Arrasaten eta beste egoitza bana Andoain (Gipuzkoa), Berriozar (Nafarroa) eta Bilbon (Bizkaia).
Elkarlana
Euskalgintzako eta berrikuntza sareetako eragile gisa zenbait erakunde eta saretako kidea da, horien artean:
- Euskalgintzaren Kontseilua
- Soziolinguistika Klusterra
- Garabide
- Badalab
- Langune
- Debagoiena 2030
Erreferentziak
- ↑ Emun. «Euskaraldiko parte hartzaileen bidelagun» Berria (kontsulta data: 2021-07-14).
- ↑ julen. (2021-05-25). Euskararen plan estrategikoa eguneratzeko prozesua jarri du martxan Fagor Taldeak | Euskal kooperatiba talde industrialetan handiena. (kontsulta data: 2021-07-14).
- ↑ «EMUN aholkulari taldea ia mende laurdena euskara eta berrikuntza sozialean - Durangaldea» Anboto.org (kontsulta data: 2021-07-14).
Kanpo estekak
- www.emun.eus
- Batz, EMUN eta Fagor oraina kudeatu eta etorkizuna marraztu nahian (NAIZ irratia, 2020-05-25)
- EMUN aholkularitza enpresa bisitatu du Gipuzkoako Foru Aldundiak
- EMUN kooperatiba elkartearen 20 urteurrenaren jardunaldia[Betiko hautsitako esteka] (2017-10-25)
- SD Eibar Fundazioak EMUN aholkularitzarekin elkarlanean egindako euskara plana aurkeztu du (2017-02-09)
- EMUNen hazkundea ziklo estrategiko berrian (Langune, 2016-11-16)
- EMUN kooperatibak lan eremu berriak zabaldu ditu (2013-06-23)
- EMUNek 10 urte (2007-09-26)
- EMUN lan mundua Arrasatetik euskalduntzen (1999-05-30)
| Autoritate kontrola |
|
|---|
Datuak: Q107525909
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
