Ernesto Geisel

Ernesto Geisel
Irudi gehiago
31. Brasilgo presidente 1974ko martxoaren 15a - 1979ko martxoaren 15a ← Emílio Garrastazu Médici - João Baptista da Oliveira Figueiredo →
Bizitza
Jaiotza	Bento Gonçalves (Rio Grande do Sul), 1907ko abuztuaren 3a
Herrialdea	Brasil
Lehen hizkuntza	portugesa
Heriotza	Rio de Janeiro, 1996ko irailaren 12a (89 urte)
Hobiratze lekua	Cemitério de São João Batista
Heriotza modua	berezko heriotza: minbizia
Familia
Ezkontidea(k)	Lucy Geisel (en)
Seme-alabak	ikusi Amália Lucy Geisel (en) Orlando Geisel (en)
Haurrideak	ikusi Orlando Geisel (en)
Hezkuntza
Heziketa	Academia Militar das Agulhas Negras (en)
Hizkuntzak	portugesa brasildar portugesa
Jarduerak
Jarduerak	politikaria eta militarra
Lantokia(k)	Brasilia
Jasotako sariak	ikusi Grand Cross of the Order of the Southern Cross Río Brancoren Ordena Order of Naval Merit Grand Collar of the Military Order of Saint James of the Sword  (1977ko ekainaren 1a) Grand Collar of the Order of Prince Henry  (1979ko otsailaren 13a) Ohorezko Legioko gurutze handia  (1976ko apirilaren 26a) [[]]  (1977)
Kidetza	Brasilgo diktadura militarra
Zerbitzu militarra
Adar militarra	Brasilgo Armada
Gradua	Armadako jeneral
Ideologia eta sinesmenak
Erlijioa	Protestantismoa
Alderdi politikoa	Aliantza Berritzaile Nazionala

Ernesto Geisel (Bento Gonçalves, Hegoaldeko Rio Grande, Brasil, 1907ko abuztuaren 3a - Rio de Janeiro, Brasil, 1996ko irailaren 12a) brasildar militarra eta politikaria izan zen.

Brasilgo Errepublikako lehendakaria, 1974tik 1979ra bitarteko urteetan. Hogei urterekin hasi zuen karrera militarra, eta gudarosteko jeneral izatera iritsi zen. 1930eko iraultzan parte hartu zuen, eta Rio Grande do Norteko estatu-idazkari izan zen (1931), eta Paribakoa gero (1934). Errepublikako Lehendakaritzaren Etxe Militarraren buru izan zen (1961ean, eta 1964tik 1966ra bitartean), eta baita Auzitegi Militar Gorenaren ministro ere. Petrolioaren industriak erakarrita, Cubatãoko findegiko zuzendari izan zen 1956an, Petrobras enpresa estatalekoa 1969tik 1973ra, eta Norquisa enpresakoa, 1979. urtetik aurrera. Petrobrasko zuzendari gisa, itsaso azpiko plataformaren ustiapena bultzatu zuen, eta emaitza onak lortu zituen.

1974an, Errepublikako lehendakari izendatu zuten. Haren gobernupean, arazo ekonomiko larriak izan ziren, politika ekonomiko zorrotz-zorrotza bideratu zuen, eta finantzen oreka hazkunde ekonomikoarekin adosten saiatu zen. Kanpo Arazoetan, Brasilen presentzia Afrikara eta Europara zabaltzen ahalegindu zen, Estatu Batuei baldintzarik gabeko menik egin gabe. Bere gobernu-aldia bukatu aurretik, Geiselek bere ideiak jarraitzen zituen militar bat aukera zezaten lortu zuen, João Baptista Figueiredo. 1979an utzi zuen lehendakaritza.

Wikimedia Commonsen badira fitxategi gehiago, gai hau dutenak: Ernesto Geisel