Ezleku
Ezlekua Marc Augé antropologo frantsesak sortutako kontzeptua da, eta gizakia anonimoa den espazio gisa definitzen da.[1] Adibidez, garraiobideak, hotel-kate handiak, supermerkatuak eta atsedenlekuak dira, baina baita errefuxiatu-eremuak ere. Subjektua (pertsona) ez da han bizi, eta ez dira espazio horietaz jabetzen, horiekin kontsumo-harremana baitago.[2]
Termino hori neologismo bat da[3], Augék 1992ko "Non-Lieux, introduction à une anthropologie de la surmodernité" lanean aurkeztu zuen. Espazio bat ezleku gisa hautematea, ordea, subjektiboa da: pertsona bakoitzak, bere subjektibotasunarekin, leku jakin bat ikusten du ezleku gisa edo giza harremanen bidegurutze gisa.
Erreferentziak euskal kulturan
- Lisabö musika taldearen 2007ko diskoa "Ezlekuak" deitu zen,[4] eta kontzeptu horren bueltako obra izanik, erreferentzia asko zabaldu zen. Bertako kantuek Marc Augéren ideiaren inguruko azpigaiak lantzen dituzte.
| « | Leku galduak. Garai bateko une bat, nahiz eta jendetza arrotzari begira, gogora ekarri nahi. Abiaduraren menpe bi minutu dira, bi minutu baino ez dira, nigandik mundu ertzera, goiz huts bati aurrea hartzen. Hiri zeharrargia, itxuka hiri zeharrargia. | » |
| Bi minutu (Lisabö, 2007) | ||
- Ibai Maritxalar artistak 2020 urtean "Ezlekuak" izeneko erakusketa sortu zuen, Mexikon izandako egonaldi baten iruditegia izendatzeko.[5]
Ikus, gainera
Erreferentziak
- ↑ Aldiri - Arkitekturaren balioa. Aldiri, 6-10 or. ISBN ISSN 1889-7185..
- ↑ SA, Baigorri Argitaletxea. (2016-04-08). «Ezlekuan bizitzeaz nazkatuta» GARA (kontsulta data: 2023-02-20).
- ↑ «ezleku | Bergarako euskara» euskara.bergara.eus (kontsulta data: 2023-02-20).
- ↑ (Ingelesez) «Ezlekuak, by Lisabö» bIDEhUTS (kontsulta data: 2023-02-20).
- ↑ (Gaztelaniaz) OLANO, MARIVI. (2020-02-04). «'Ezlekuak', una muestra pictórica en homenaje a México y sus gentes» El Diario Vasco (kontsulta data: 2023-02-20).
Kanpo estekak
- Lisabören Ezlekuak eta espazioa lantzen dituen Gradu Bukaerako Lana.
| Autoritate kontrola |
|
|---|
Datuak: Q585407
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
