Faunus
| Faunus | |
|---|---|
 | |
| Ezaugarriak | |
| Sexua | gizonezkoa |
| Baliokideak | Pan |
| Familia | |
| Aita | Picus (en)  |
| Ama | Canens (en) |
| Ezkontidea(k) | Fauna (en) , Dryope (en) eta Vitellia |
| Seme-alabak | Tarquitus (en) |
| Anai-arrebak | Fauna (en) |
Faunus, antzinako landa-jainko italiarra zen, garai erromatar klasikoan, Pan jainko grekoaren atributuekin identifikatu zena. Faunus bi modutan gurtzen zen: artzaintza eta larreen jainko gisa batetik, eta jainko orakular eta profetiko gisa. Landa guneetan gurtua zen, larreen eta abere saldoen ugalkortasun-emaile gisa. Aurrerago, basoetako jainko bihurtu zen, basoko soinuak, eta haren ahostzat hartu zuten. Faunalia jaialdia, abenduaren 5ean egiten zena, landa guneetako biztanleek ospatzen zuten, otordu handiekin eta alaitasunez.
Saturnoren biloba izaki, eta Picusen seme, Faunus, erdi gizaki, erdi ahuntz gisa irudikatzen zen askotan, grekoen satiroen imitazioan eta faunoak izeneko antzeko izakien konpainian. Faunus latinoen errege eta Latinusen aita zen Eneas Italiara iristean . Virgilioren Eneidaren arabera, Faunusek Latinusi esan zion Lavinia alaba (Latinusen alaba eta Faunusen biloba) atzerritar batekin ezkon zezan, Eneasekin, alegia.
Pan bezala, Faunus ere ezkontzaren errituarekin lotu zen, eta berari eskainitako urteko jaialdiak arauen askatzearekin ospatzen ziren. Luperkalian, Erroman otsailean ospatzen zen ugalkortasunaren jaialdian, ahuntzez jantzitako gazteak karriketan zehar ibiltzen ziren ahuntz-larruzko uhala astinduz.[1] Ez zen ordea, jainko hiritarra, landa eremuekin lotzen baitzuten erromatarrek.
Erreferentziak
- ↑ (Ingelesez) «Faunus | ancient Italian god | Britannica» www.britannica.com (kontsulta data: 2023-03-06).
Kanpo estekak
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
