Fusae Ichikawa
| Fusae Ichikawa | |||
|---|---|---|---|
 | |||
| |||
| Bizitza | |||
| Jaiotza | Bisai (en)  , 1893ko maiatzaren 15a | ||
| Herrialdea |  Japonia  Japoniar Inperioa 1947) | ||
| Lehen hizkuntza | japoniera | ||
| Heriotza | 1981eko otsailaren 11 (87 urte) | ||
| Hezkuntza | |||
| Heziketa | Aichi University of Education (en) | ||
| Hizkuntzak | japoniera ingelesa | ||
| Jarduerak | |||
| Jarduerak | politikaria | ||
| Jasotako sariak | ikusi
| ||
Fusae Ichikawa (japonieraz: 市川 房枝, Hepburn: Ichikawa Fusae) 1893ko maiatzaren 15a - 1981eko otsailaren 11) feminista, politikaria eta mugimendu sufragista femeninoaren japoniar liderra izan zen. Ichikawa emakumeen sufragioaren defendatzaile garrantzitsua izan zen Japonian, eta bere aktibismoak emakumeen boto-eskubidea zabaltzen lagundu zuen hein batean 1945ean.[1]
Lehen urteak
Fusae Ichikawa Bisain jaio zen, Aichi prefekturan, 1893an. Bere haurtzaroa aitak (Fujikurō Ichikawa) bere seme-alaba guztien heziketan jarri zuen enfasiak markatu zuen, baina bere amak (Tatsu Ichikawa) aitaren aldetik jasaten zuen tratu txar fisikoaren lekuko ere izan zen. Aichiko Emakumezko Irakasleen Akademiara joan zen lehen hezkuntzako irakasle izateko asmoz. 1910eko hamarkadan Tokiora bizitzera joan ondoren, mugimendu feministarekin harremanetan jarri zen, eta horretan inplikatu zen. 1917an Aichira itzuli zenean, Nagoyako Egunkariko lehen emakume kazetaria bihurtu zen. 1920an, Emakume Berrien Elkartea (新婦人協会 Shin-fujin kyōkai) sortu zuen Japoniako Hiratsuka Raicho japoniar feminista aitzindariarekin batera.[2][2]
Emakumeen sufragioa
Emakume Berrien Elkartea izan zen emakumeen baldintzak eta eskubideak hobetzeko espreski sortutako lehen elkarte japoniarra. Erakundeak, Ichikawaren gidaritzapean, emakumeek politikan parte hartzea debekatzen zuten legeen erreforma eskatzeko kanpainak egin zituen. Lege horiek zirela eta, emakumeek debekatuta zutenez horrelako kanpainak antolatzea, erakundeak "konferentzia-bilerak" izeneko topaketak egin zituen bere helburuak lortzeko. Legea, azkenik, 1922an indargabetu zuen Dieta Inperialak, eta horren ondoren elkartea desegin egin zen.
Bi urte geroago, Ichikawa Estatu Batuetara bidaiatu zuen, Alice Paul buruzagi sufragista estatubatuarrarekin harremanetan jartzeko asmoz. 1924an Japoniara itzuli zen, Nazioarteko Lan Erakundearen bulego tokiotarrean lan egiteko, eta emakumeen sufragioaren aldeko Japoniako lehen erakundea sortu zuen, Japoniako Emakumeen Sufragiorako Liga (日本婦人有権者同盟 Nippon fujin yūkensha dōmei). 1930ean, Japoniako emakumeen emantzipazioari buruzko lehen konbentzio nazionala egin zen. Ichikawak estu lan egin zuen Shigeri Yamatakarekin, ondoren Kontseilarien Ganberako kide aukeratua izan zena.[3]
Bigarren Mundu Gerraren osteko okupazio-aldian, Ichikawak paper garrantzitsua jokatu zuen emakumeen sufragioa gerraosteko konstituzio japoniarrean kontsakratuta gera zedin ziurtatzeko, emakumeen ahalduntze politikoak Japonia hain gerra suntsitzailean sartzea ekidin zezakeela argudiatuz. Japoniako Emakumeen Liga Berria emakumeen sufragioa lortzera bideratutako erakunde gisa hasi zen lanean, eta Ichikawa izendatu zuten erakundeko lehen presidente.[4]
Ichikawaren lanak, Potsdamgo Adierazpenean ezarritako baldintzekin batera, emakumeen sufragioaren erabateko onarpena ekarri zuen 1945eko azaroan.[5]
Beste aktibismo batzuk
Ichikawa beste kausa politiko batzuetan ere inplikatu zen.
Hauteskundeetako ustelkeria geldiarazteko ahaleginek 1933an Tokioko Politika Garbitzeko Emakumeen Elkartea sortu zuten eta Hauteskundeak Garbitzeko Elkarte Zentrala sortu zuten, Ichikawan batzordeko bost emakumeetako bat izan zen.
Bigarren Mundu Gerran, Ichikawa Mobilizazio Espiritual Nazionalerako Elkarte Zentraleko idazkari izendatu zuten. Elkarte hori Japoniako gobernuak osatutako erakunde bat da, Japoniako gerra-ahaleginari herritarren babesa areagotzeko asmoz. Japonia Handiko Emakumeen Elkarteko batzordeko kide ere izan zen, laguntza pribatuko erakundeen ahaleginak koordinatzen zituena.
Emakumearen eskubideen defendatzaile nekaezina, Japonian eta nazioartean emakumeei buruzko konferentziak antolatu eta horietan parte hartu zuen, eta 1980an Japoniako gobernuari zuzendutako aldarrikapen kanpainaren buru izan zen, Emakumearen Aurkako Bereizkeria-Mota Guztiak Ezabatzeko Konbentzioa berresteko eskatu zion ahots nagusia bihurtu zen.
Ibilbide politikoa
Bigarren Mundu Gerraren ondoren, Ichikawa, hasiera batean, edozein kargu politiko edo gobernutik kanpo utzi zuten okupazio-indarrek. Okupazioa amaitu ondoren, politikaren mundura itzuli zen, eta 1953an Kokkai edo Japoniako Dieta Nazionalean sartu zen Tokioren ordezkari gisa. Emakumearentzat garrantzitsuak ziren gaietan parte hartzen jarraitu zuen, baita hauteskunde-erreformetan ere. Bi aldiz hautatu zuten berriro, baina ezin izan zuen hirugarren aldiz izendatu, eta 1971n utzi zuen kargua.
1974an, ordea, Ichikawa laurogeitaka urteko emakumeari eskatu zioten berriz ere bere hautagaitza aurkezteko, eta laugarren agintaldia lortu zuen Dietan (Kokkain). 1980an berrautatu zuten, barruti nazionaleko boto kopuru altuenarekin.[6]
Aintzatespenak
Ichikawak Lidergo Komunitarioaren Ramon Magsaysay Saria jaso zuen 1974an, gizarte-berdintasunaren alde egindako ahaleginengatik.[5]
Erreferentziak
- ↑ «Gráfico 1.5 EVOLUCIÓN MENSUAL DE LOS PRECIOS INTERNACIONALES DE PRODUCTOS PRIMARIOS, EN EL PERIODO ENERO 2003-AGOSTO 2011» doi.org (kontsulta data: 2026-04-06).
- ↑ a b Iraola, Bianditz. (2022-12-14). «CAFeko Euskara plana: nondik eta nora» BAT SOZIOLINGUISTIKA ALDIZKARIA 124 (10.55714): 79–92. doi:. ISSN 1130-8435. (kontsulta data: 2026-04-08).
- ↑ Watanabe, Isamu. (1999). «History of Research on Menieres Disease in Japan. (Part 3). Showa Ear. (II).» Equilibrium Research 58 (4): 277–286. doi:. ISSN 0385-5716. (kontsulta data: 2026-04-08).
- ↑ Mackie, Vera C.. (2003). Feminism in modern Japan: citizenship, embodiment, and sexuality. Cambridge University Press ISBN 978-0-521-82018-9. (kontsulta data: 2026-04-08).
- ↑ a b 1974 Ramon Magsaysay Award for Community Leadership. .
- ↑ «WHO’S WHO IN WORLD POLITICS» Who's Who In World Politics (Routledge): 9–35. 1996-08-08 ISBN 978-0-203-99567-9. (kontsulta data: 2026-04-08).
Bibliografia
- Lublin, Elizabeth Dorn (2013). «Ichikawa Fusae (1893-1981)». En Perez, Louis G., ed. Japan at War: An Encyclopedia (en inglés). ABC-CLIO. ISBN 9781598847420.
Kanpo estekak
- The Fusae Ichikawa Memorial Association (FIMA,)
- The Fusae Ichikawa Memorial Association ((Japonieraz))
| Autoritate kontrola |
|
|---|
Datuak: Q3091098
Multimedia: Fusae Ichikawa / Q3091098
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
