General Atomics MQ-1 Predator

General Atomics MQ-1 Predator
medium-altitude long-endurance unmanned aircraft (en) eta dronea
Irudi gehiago
Fabrikazioa
Fabrikatzailea	General Atomics Aeronautical Systems (en) eta General Atomics (en)
Garatzailea	General Atomics (en)
Ekoizpen osoa	360
Historia
Lehen hegaldia	1994ko uztailaren 3a
Zerbitzuaren hasiera	1995
Kudeatzailea	Ameriketako Estatu Batuetako Aire Armada, Air National Guard (en) , Air Force Reserve Command (en) , CIA, Royal Moroccan Air Force (en) , United Arab Emirates Air Force (en) , Turkish Air Force (en) eta Italiako Aireko Armada
Ezaugarriak
Dimentsioak	2,1 () × 8,22 () m

General Atomics MQ-1 Predator (euskaraz: «harrapari»), hasiera batean RQ-1 Predator deitua, tripulatu gabeko aireontzia (UAV) da, Estatu Batuetako Aireko Armadak altitude ertain eta autonomia handiko (MALE, ingelesezko siglengatik) gisa sailkatua. Batez ere, errekonozimendu-misioetan balio du, baina, gainera, erasorako gaitasuna du, AGM-114 Hellfire misil bi gehitzeko aukerarekin (horrela, UCAV bilakaturik). 1995etik, Bosnia,^[1] Serbia, Afganistan,^[2] Yemen^[3] eta Irakeko gatazketan erabili dituzte.

MQ-1 Predator arma-sistema osoa da, eta erabateko operatibitatean aireko 4 ibilgailu, lur-kontrol sistema, satelite bidezko konexioa eta 55 pertsonako eskifaia ditu.

MQ-1 Predator tripulatu gabeko aireontzi (UAV) bat da, 1990eko hamarkadan AEBetako Aire Armadak garatua eta altitude ertaineko eta autonomia handiko (MALE, medium-altitude, long-endurance) UAV gisa kalifikatua.

1994ko urtarrilean, General Atomics Aeronautical Systems enpresari bi urte eta erdiz UAV motako sistema bat garatzeko eskatu zioten. 1995eko udaberrian, Predator bataiatuak lehen hegaldi-proba arrakastatsuak egin zituen, eta uda hartan Balkanetan erabiltzea erabaki zuten. Bitxia bada ere, UAV hau ez zen halakotzat hartzen, baizik eta erabat garatzen ari zen sistematzat, nahiz eta gatazka armatuetan erabiltzen ari zuten. ACTDren (Advanced Concept Technology Demonstration) barruan sailkatuta zegoen.

Lehen modelo horiek 3,2 milioi estatubatuar dolarreko kostua zuten.

2002an, AEBetako Aire Armadak 60 aparatu erosi zituen Afganistanen erabiltzeko. 20 inguru ekintzan galduak izan ziren, nahiz eta (AEBko iturrien arabera) soldadu etsaiek gutxi batzuk bakarrik bota zituzten, gainerako UAVak baldintza atmosferiko txarrengatik galdu ziren, bereziki hotzagatik (elurra, izotza, txingorra, haizeteak...).

Predator, hasiera batean, zaintza-sistema izatetik, lur-erasoko UAV izatera igaro zen. Hellfire misilak eta borroka-sistemak jarri zizkioten, baina zaurgarritasuna handia da oraindik.

Bertsio eta garapen berriekin, eraso- eta defentsa-ahalmena hobetu da, baita abiadura ere, turbohelize motako motor bat instalatuz.