Hallucigenia
| Hallucigenia | |
|---|---|
 | |
| Sailkapen zientifikoa | |
| Erreinua | Animalia |
| Filuma | Lobopodia |
| Familia | Hallucigeniidae |
| Generoa | Hallucigenia [[|]] |
Hallucigenia Kanbriar garaian bizi izan zen animalia bat da, gaur egun iraungita dagoena. Bere itxura berezia dela eta sailkatzen zaila da baina gaur egungo onikoforoekin erlazionaturik dagoela uste da.
Aurkikuntza eta taxonomia
Charles Doolittle Walcott naturalistak Burgess Shale aztarnategian aurkitu eta deskribatu zuen aurreneko aldiz. Walcottek Canadia generoko poliketo gisa sailkatu zuen[1]. 1977 urtean Simon Conway Morris-ek zerbait desberdina izan behar zuela pentsatu zuen, eta genero berria sotu zuen, Hallucigenia. Izenak argi erakusten zuen animalia hau deskribatu eta sailkatzeko zailtasuna. Arantzak eta gainerako luzakinak goian ala behean izango ziren erabakitzea ere zaila zen. Gehienetan arantzak hankak zirela pentsatu izan zen eta hodi itxurako luzakinak garro antzerako egitura batzuk. Zientzilari batzuek ere esan zuten animalia handiago baten luzakina izan zitekeela, Anomalocaris-ena kasu.
1991 urtean Lars Ramskold eta Hou Xianguang paleontologoek Txinan aurkituriko fosilak aztertzean onikoforoen taldean sartu zuten[2][3]. Hauek animaliari buelta eman eta hodi itxurako luzakinak hankak zirela eta arantzak babes egiturak zirela ebatzi zuten. Arantzak mugikorrak izan zitezkeen ideia ere azaldu da, gaur egun hainbat ekinodermatuk dituztenen antzera[4].
Burgess Shale aztarnategian dagoeneko 109 fosil aurkitu dira[5] baina mundu mailako kanbriar garaiko estratuetan hainbat tokitan aurkitu dira, Txinan esate baterako.
Hiru Hallucigenia espezie deskribatu dira:
- Hallucigenia sparsa (Conway Morris, 1977)
- Hallucigenia fortis (Hou & Bergström, 1995)
- Hallucigenia hongmeia (Steiner et al 2012)[6]
Deskribapena
Hallucigenia animalia txikia da, 0'5 eta 3'5 cm artean neurtzen baitu. Zazpi edo zortzi hanka pare ditu eta bakoitzak muturrean bi erpe ditu[3]. Hanka bakoitzaren parean, bizkarraldean, arantza koniko bat ageri du. Burua eta buztana identzifikatzen zailak dira, fosil argigarririk ez baita oraindik aurkitu. Badirudi buruan bi begi sinple izango zituela eta hotz erradialak dituen ahoa.
Gaur egungo onikoforoen antzera gorpuntz segmentatua izan zezakeela uste da[3] eta segmentu bakoitzean ketak ere izan zitzakeen, gutxienez aurrealdean elikagaiak lortzeko[7].
Bizimodua
Sakonera txikiko hondoetan bizi zen animalia bentikoa zen Hallucigenia. Aurkituriko arroka batean zizare handi baten fosila ikusten da eta inguruan hamabost Hallucigenia. Pentsatzekoa da zizarea jaten ariko zirela, eta ondorioz animalia sarraskijalea izango zela ondorioztatu da.
Erreferentziak
- ↑ Whittington Harry Blackmore. (1978-11-16). «The Lobopod Animal Aysheaia Pedunculata Walcott, Middle Cambrian, Burgess Shale, British Columbia» Philosophical Transactions of the Royal Society of London. B, Biological Sciences 284 (1000): 165–197. doi:. (kontsulta data: 2019-03-14).
- ↑ (Ingelesez) Jean-Bernard Caron; Smith, Martin R.. (2015-07). «Hallucigenia’s head and the pharyngeal armature of early ecdysozoans» Nature 523 (7558): 75–78. doi:. ISSN 1476-4687. (kontsulta data: 2019-03-14).
- ↑ a b c (Ingelesez) Javier Ortega-Hernández; Smith, Martin R.. (2014-10). «Hallucigenia’s onychophoran-like claws and the case for Tactopoda» Nature 514 (7522): 363–366. doi:. ISSN 1476-4687. (kontsulta data: 2019-03-14).
- ↑ (Ingelesez) Ramsköld, Lars. (1992). «The second leg row of Hallucigenia discovered» Lethaia 25 (2): 221–224. doi:. ISSN 1502-3931. (kontsulta data: 2019-03-14).
- ↑ CARON, J.-B.; JACKSON, D. A.. (2006-10-01). «TAPHONOMY OF THE GREATER PHYLLOPOD BED COMMUNITY, BURGESS SHALE» PALAIOS 21 (5): 451–465. doi:. ISSN 0883-1351. (kontsulta data: 2019-03-14).
- ↑ M. Steiner, S. Hu, J. Liu, H. Keupp. (2012). Bulletin of Geosciences, 87., 107-124 or..
- ↑ (Ingelesez) McCall, Christian R.. (2019-02-24). A hypothetical reconstruction of Hallucigenia. (kontsulta data: 2019-03-14).
Kanpo estekak
| Autoritate kontrola |
|
|---|
Datuak: Q132406
Multimedia: Hallucigenia / Q132406
Espezieak: Hallucigenia
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
